Bíó og sjónvarp

Aðal­fram­leiðandi Schitt‘s Cre­ek látinn

Atli Ísleifsson skrifar
Ben Feigin lést af völdum krabbameins í brisi.
Ben Feigin lést af völdum krabbameins í brisi. Emmy

Hinn margverðlaunaði bandaríski sjónvarpsframleiðandi, Ben Feigin, lést í gær, 47 ára að aldri. Feigin var þekktastur fyrir að vera einn aðalframleiðanda þáttanna Schitt‘s Creek.

Variety greinir frá því að Feigin hafi látist af völdum krabbameins í brisi.

Kanadísku gamanþættirnir Schitt‘s Creek voru framleiddir á árunum 2015 og 2020 og skartaði þeim Eugene Levy og Catherine O‘Hara í aðalhlutverkum. Vor þáttaraðirnar sex og þættirnir í heildina áttatíu talsins.

Síðasta þáttaröð Schitt‘s Creek var stóri sigurvegari Emmy-verðlaunahátíðarinnar fyrir tveimur árum, en þættirnir unnu einnig til verðlauna sem besti gamanþáttur á Golden Globe verðlaunahátíðinni.

Áður hafði Feigin meðal annars komið að framleiðslu þátta á borð við Friends, West Wing og E.R.

Feigin lætur eftir sig eiginkonuna Heidi Feigin og ellefu ára dóttur, Ellie.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.