Herkvaðningin mun umfangsmeiri en Rússar segja Samúel Karl Ólason skrifar 22. september 2022 22:30 Fregnir hafa borist af mjög svo umfangsmiklum herkvaðningum í fjarlægum og fátækari héruðum rússneska sambandsríkisins. Getty Umfang herkvaðningar í Rússlandi gæti orðið þrisvar sinnum meira en ráðamenn hafa sagt. Sergei Shoigu, varnarmálaráðherra, sagði í gær að til stæði að kveðja þrjú hundruð þúsund manns í herinn og Dimítrí Peskov, talsmaður Vladimírs Pútins, forseta, staðfesti það. Í forsetatilskipun Pútíns, eða þeim hlutum hennar sem eru lesanlegir, segir ekkert um hve marga til stendur að kveðja í herinn. Leynileg klausa í forsetatilskipun Pútíns segir þó að varnarmálaráðuneytið eigi að kveðja allt að milljón manna í herinn. Það hefur rússneski miðillinn Novaya Gazeta, sem var nýverið gerður ólöglegur í Rússlandi, eftir heimildarmönnum sínum í Kreml. Sjöunda málsgrein tilskipunar Pútins hafði verið afmáð þegar skipunin var opinberuð. Peskov var spurður út í klausuna leynilegu og sagði hann að hún sneri að þeim fjölda sem kveðja ætti í herinn. Vísaði hann svo í orð Shoigu um fjöldinn ætti að vera þrjú hundruð þúsund. Rússneski miðillinn Meduza vitnar í viðtal við rússneskan aðmírál sem birt var í Rússlandi í dag. Hann fór nánar yfir út á hvað herkvaðningin gengur og sagði meðal annars að herinn væri að leita að mönnum sem hefðu þegar hlotið einhverja þjálfun sem muni koma að notum í Úkraínu og sérstaklega væri verið að leita að mönnum með reynslu af átökum. Mögulega yrðu allt að 55 ára gamlir menn kvaddir í herinn en það færi eftir reynslu þeirra og þjálfun. Aðmírállinn sagði einnig að í rauninni væri ekkert þak á því hve margir yrðu kvaddir í herinn en að hvert sambandsríki hefði ákveðið lágmark. Virðist mun umfangsmeiri Herkvaðningin virðist mun umfangsmeiri en yfirvöld í Rússlandi hafa viðurkennt. Fregnir hafa borist af mjög svo umfangsmiklum herkvaðningum í fjarlægum og fátækari héruðum rússneska sambandsríkisins. Þá hafa einnig borist fregnir af því að margar af þeim rúmlega 1.300 mótmælendum sem handteknir voru í gær hafi verið kvaddir í herinn, samkvæmt frétt Wall Street Journal (áskriftarvefur). Peskov sagði blaðamönnum í dag að það væri ekki gegn lögunum að kveðja fólk sem hefði verið handtekið fyrir mótmæli í herinn. #Russia : wailing mothers and wives and buses full of men and boys being forced to go to the front in #Ukraine .From #Dagestan tonight. pic.twitter.com/TaGP7YXiOj— Thomas van Linge (@ThomasVLinge) September 22, 2022 Í frétt Guardian segir einnig að herkvaðningin virðist koma hlutfallslega verra niður á minnihlutahópum í Rússlandi sem hafi hingað til einnig komið verr út úr stríðinu sjálfu. Menn sem tilheyri minnihlutahópum séu hlutfallslega stærri hluti af hernum en aðrir hópar og sömuleiðis hafi mun fleiri fallið. Þá hafa fregnir borist af því að menn á fimmtugsaldri og jafnvel sextugsaldri, sem hafi aldrei verið í hernum, hafi verið boðaðir til herþjónustu. #Russia : mobilization has started in #Yakutia in #Siberia.Unsurprisingly ethnic minority regions of Russia are the first to be called up. pic.twitter.com/Et2OvLeKvE— Thomas van Linge (@ThomasVLinge) September 22, 2022 Einn viðmælandi miðilsins frá Buryatia, segir að 38 ára gamall eiginmaður hennar hafi verið kvaddur í herinn. Hann hafi aldrei verið í hernum áður. Hún segir hermenn hafa spurt hann hvort hann ætti ekki börn og að hann hafi sagt þeim að hann ætti fimm. „Nú, jæja. Þú mátt búast við herkvaðningu,“ segir hún að hermennirnir hafi sagt. ( ) pic.twitter.com/haaWQX17uf— Polina (@poli_golobokova) September 22, 2022 Fá mögulega enga þjálfun Í greiningu hugveitunnar Institute for the study of war segir að ætli Rússar sér að þjálfa þessa nýju hermenn af einhverju viti og undirbúa þá fyrir átök muni það taka einhverjar vikur, ef ekki mánuði. Flestir þeirra hafi eins árs reynslu af herþjónustu og þjálfun innan rússneska hersins sé heilt yfir mjög slæm. Ráðamenn í Rússlandi hafa verið margsaga um hvurslags þjálfun þessir menn eiga að fá. Einhverjir hafa talað um mánuð en því hefur einnig verið haldið fram að fyrrverandi hermenn undir þrítugu verði sendir beint á víglínurnar í Úkraínu. Hvatti Rússa til mótmæla eða uppgjafar Vólódímír Selenskí, forseti Úkraínu, sendi rússneskum mæðrum skilaboð í kvöld. Hann skipti yfir í rússnesku í sjónvarpsávarpi sínu og hvatti fólk til að mótmæla í Rússlandi. „Ákvörðun Rússlands að fara í herkvaðningu er viðurkenning á því að atvinnumannaher ríkisins, sem hefur verið þjálfaður í áratugi í því að hernema það sem aðrir eiga, stóðst ekki álagið og féll saman,“ sagði Selenskí, samkvæmt þýðingu Meduza. Hann sagði að vegna herkvaðningarinnar væri innrás Rússlands í Úkraínu ekki lengur eitthvað sem almenningur í Rússlandi yrði eingöngu var við í sjónvarpi eða á netinu. Það hefði náð til allra rússneskra heimila. „55 þúsund rússneskir hermenn eru dánir á hálfu ári. Tugir þúsunda særðir, limlestir. Viljið þið í alvörunni fleiri?“ spurði forsetinn og bætti við að ef ekki, þá ættu Rússar að mótmæla. Selenskí sagði að þeir ættu að berjast gegn ráðamönnum í Rússlandi, flýja eða gefast upp fyrir úkraínskum hermönnum. Það væri eina leiðin til að lifa af. „Rússneskar mæður, þið megið ekki efast um það að leiðtogar ykkar munu ekki senda eigin börn á víglínurnar. Þeir sem taka ákvarðanir í landi ykkar vernda eigin börn en vilja ekki svo mikið sem jarða börnin ykkar,“ sagði Selenskí einnig. Rússland Innrás Rússa í Úkraínu Úkraína Hernaður Vladimír Pútín Tengdar fréttir Sagði mikilvægt að gefa Rússum ekki andrými til að efla varnir sínar Vólódímír Selenskí Úkraínuforseti virðist ekki gefa mikið fyrir tilraunir Rússa til að stigmagna átökin í Úkraínu með því að boða til herkvaðningar. 22. september 2022 07:23 Segir Pútín hafa gert „stór mistök“ Jens Stoltenberg, framkvæmdastjóri Atlantshafsbandalagsins (NATO) segir hótanir Vladimírs Pútins, forseta Rússlands, um notkun kjarnorkuvopna vera „hættulegan og óábyrgan“ áróður. Hann segir að eina leiðin til að binda enda á stríðið í Úkraínu sé að sýna Rússum það og sanna að þeir geti ekki sigrað í Úkraínu. 21. september 2022 20:27 Gefið í skyn að aðgerðum á hernumdum svæðum verði svarað fullum hálsi Orðræða rússneskra stjórnvalda hefur stigmagnast að mati sérfræðings í utanríkismálum, þar sem gefið er í skyn að hernaðaraðgerðum í úkraínskum héröðum sem Rússar hyggjast innlima verði svarað með öllum tiltækum ráðum. Tilkynnt var um herkvaðningu í Rússlandi í morgun. 21. september 2022 12:05 Segja herkvaðninguna til marks um misheppnaða aðgerð Rússa Ákvörðun Vladimir Pútín Rússlandsforseta að grípa til herkvaðningar er viðurkenning á því að innrásin í Úkraínu hefur ekki gengið eins og Rússar ætluðu. Þetta segja bæði talsmenn Úkraínustjórnar og Ben Wallace, varnarmálaráðherra Bretlands. 21. september 2022 08:33 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Leiðin í vinnuna smám saman þrefaldast: „Þetta er eins og í einhverri bíómynd“ Innlent Fannst hennar tími vera kominn Innlent Miðflokkurinn staðfestir sig sem þriðji stærsti flokkurinn Innlent Ofbeldisbrotum fjölgar á sama tíma og lögreglumönnum fækkar Innlent Öldungadeildin samþykkti 95 milljarða dala aðstoð við Úkraínu, Ísrael og Taívan Erlent Vitni greinir frá ráðabruggi og lögmaður Trump fær viðvörun Erlent Landeigendur höfða mál gegn ríkinu vegna Hvammsvirkjunar Innlent Össur segir Jóni Gnarr að „hætta að væla“ Innlent Reyna að sigla um geiminn á geislum sólarinnar Erlent Verkefnið skapi níutíu störf og meðallaunin verði um 1,4 milljón á mánuði Innlent Fleiri fréttir Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sakaði Trump um að reyna að spilla kosningunum 2016 Dæmdu samskiptastjóra Meta fyrir að „verja hryðjuverk“ Modi sakaður um múslimaandúð í miðjum kosningum Dregur úr vinnu og verkefnum Evrópa hlýnar hraðast heimsálfanna Duda segir Pólverja reiðubúna til að geyma kjarnorkuvopn Segir af sér vegna mistaka í kringum árás Hamas Rallýbíll ók á áhorfendur á Sri Lanka Ísraelar æfir yfir fyrirhuguðum þvingunum á Netzah Yehuda herdeildina Ríki heims verja metupphæðum til hermála Kynferðisafbrotamanni bannað að nota gervigreind Varnarmál efst á baugi nýs formanns Ætla að endurreisa Børsen „sama hvað“ Frumvarp um bann við TikTok samþykkt Heita Úkraínu 61 milljarði dala í stuðning Tugir þúsunda mótmæltu fjölda ferðamanna á Kanaríeyjum Sprengjuhótun í Billund Sjá meira
Í forsetatilskipun Pútíns, eða þeim hlutum hennar sem eru lesanlegir, segir ekkert um hve marga til stendur að kveðja í herinn. Leynileg klausa í forsetatilskipun Pútíns segir þó að varnarmálaráðuneytið eigi að kveðja allt að milljón manna í herinn. Það hefur rússneski miðillinn Novaya Gazeta, sem var nýverið gerður ólöglegur í Rússlandi, eftir heimildarmönnum sínum í Kreml. Sjöunda málsgrein tilskipunar Pútins hafði verið afmáð þegar skipunin var opinberuð. Peskov var spurður út í klausuna leynilegu og sagði hann að hún sneri að þeim fjölda sem kveðja ætti í herinn. Vísaði hann svo í orð Shoigu um fjöldinn ætti að vera þrjú hundruð þúsund. Rússneski miðillinn Meduza vitnar í viðtal við rússneskan aðmírál sem birt var í Rússlandi í dag. Hann fór nánar yfir út á hvað herkvaðningin gengur og sagði meðal annars að herinn væri að leita að mönnum sem hefðu þegar hlotið einhverja þjálfun sem muni koma að notum í Úkraínu og sérstaklega væri verið að leita að mönnum með reynslu af átökum. Mögulega yrðu allt að 55 ára gamlir menn kvaddir í herinn en það færi eftir reynslu þeirra og þjálfun. Aðmírállinn sagði einnig að í rauninni væri ekkert þak á því hve margir yrðu kvaddir í herinn en að hvert sambandsríki hefði ákveðið lágmark. Virðist mun umfangsmeiri Herkvaðningin virðist mun umfangsmeiri en yfirvöld í Rússlandi hafa viðurkennt. Fregnir hafa borist af mjög svo umfangsmiklum herkvaðningum í fjarlægum og fátækari héruðum rússneska sambandsríkisins. Þá hafa einnig borist fregnir af því að margar af þeim rúmlega 1.300 mótmælendum sem handteknir voru í gær hafi verið kvaddir í herinn, samkvæmt frétt Wall Street Journal (áskriftarvefur). Peskov sagði blaðamönnum í dag að það væri ekki gegn lögunum að kveðja fólk sem hefði verið handtekið fyrir mótmæli í herinn. #Russia : wailing mothers and wives and buses full of men and boys being forced to go to the front in #Ukraine .From #Dagestan tonight. pic.twitter.com/TaGP7YXiOj— Thomas van Linge (@ThomasVLinge) September 22, 2022 Í frétt Guardian segir einnig að herkvaðningin virðist koma hlutfallslega verra niður á minnihlutahópum í Rússlandi sem hafi hingað til einnig komið verr út úr stríðinu sjálfu. Menn sem tilheyri minnihlutahópum séu hlutfallslega stærri hluti af hernum en aðrir hópar og sömuleiðis hafi mun fleiri fallið. Þá hafa fregnir borist af því að menn á fimmtugsaldri og jafnvel sextugsaldri, sem hafi aldrei verið í hernum, hafi verið boðaðir til herþjónustu. #Russia : mobilization has started in #Yakutia in #Siberia.Unsurprisingly ethnic minority regions of Russia are the first to be called up. pic.twitter.com/Et2OvLeKvE— Thomas van Linge (@ThomasVLinge) September 22, 2022 Einn viðmælandi miðilsins frá Buryatia, segir að 38 ára gamall eiginmaður hennar hafi verið kvaddur í herinn. Hann hafi aldrei verið í hernum áður. Hún segir hermenn hafa spurt hann hvort hann ætti ekki börn og að hann hafi sagt þeim að hann ætti fimm. „Nú, jæja. Þú mátt búast við herkvaðningu,“ segir hún að hermennirnir hafi sagt. ( ) pic.twitter.com/haaWQX17uf— Polina (@poli_golobokova) September 22, 2022 Fá mögulega enga þjálfun Í greiningu hugveitunnar Institute for the study of war segir að ætli Rússar sér að þjálfa þessa nýju hermenn af einhverju viti og undirbúa þá fyrir átök muni það taka einhverjar vikur, ef ekki mánuði. Flestir þeirra hafi eins árs reynslu af herþjónustu og þjálfun innan rússneska hersins sé heilt yfir mjög slæm. Ráðamenn í Rússlandi hafa verið margsaga um hvurslags þjálfun þessir menn eiga að fá. Einhverjir hafa talað um mánuð en því hefur einnig verið haldið fram að fyrrverandi hermenn undir þrítugu verði sendir beint á víglínurnar í Úkraínu. Hvatti Rússa til mótmæla eða uppgjafar Vólódímír Selenskí, forseti Úkraínu, sendi rússneskum mæðrum skilaboð í kvöld. Hann skipti yfir í rússnesku í sjónvarpsávarpi sínu og hvatti fólk til að mótmæla í Rússlandi. „Ákvörðun Rússlands að fara í herkvaðningu er viðurkenning á því að atvinnumannaher ríkisins, sem hefur verið þjálfaður í áratugi í því að hernema það sem aðrir eiga, stóðst ekki álagið og féll saman,“ sagði Selenskí, samkvæmt þýðingu Meduza. Hann sagði að vegna herkvaðningarinnar væri innrás Rússlands í Úkraínu ekki lengur eitthvað sem almenningur í Rússlandi yrði eingöngu var við í sjónvarpi eða á netinu. Það hefði náð til allra rússneskra heimila. „55 þúsund rússneskir hermenn eru dánir á hálfu ári. Tugir þúsunda særðir, limlestir. Viljið þið í alvörunni fleiri?“ spurði forsetinn og bætti við að ef ekki, þá ættu Rússar að mótmæla. Selenskí sagði að þeir ættu að berjast gegn ráðamönnum í Rússlandi, flýja eða gefast upp fyrir úkraínskum hermönnum. Það væri eina leiðin til að lifa af. „Rússneskar mæður, þið megið ekki efast um það að leiðtogar ykkar munu ekki senda eigin börn á víglínurnar. Þeir sem taka ákvarðanir í landi ykkar vernda eigin börn en vilja ekki svo mikið sem jarða börnin ykkar,“ sagði Selenskí einnig.
Rússland Innrás Rússa í Úkraínu Úkraína Hernaður Vladimír Pútín Tengdar fréttir Sagði mikilvægt að gefa Rússum ekki andrými til að efla varnir sínar Vólódímír Selenskí Úkraínuforseti virðist ekki gefa mikið fyrir tilraunir Rússa til að stigmagna átökin í Úkraínu með því að boða til herkvaðningar. 22. september 2022 07:23 Segir Pútín hafa gert „stór mistök“ Jens Stoltenberg, framkvæmdastjóri Atlantshafsbandalagsins (NATO) segir hótanir Vladimírs Pútins, forseta Rússlands, um notkun kjarnorkuvopna vera „hættulegan og óábyrgan“ áróður. Hann segir að eina leiðin til að binda enda á stríðið í Úkraínu sé að sýna Rússum það og sanna að þeir geti ekki sigrað í Úkraínu. 21. september 2022 20:27 Gefið í skyn að aðgerðum á hernumdum svæðum verði svarað fullum hálsi Orðræða rússneskra stjórnvalda hefur stigmagnast að mati sérfræðings í utanríkismálum, þar sem gefið er í skyn að hernaðaraðgerðum í úkraínskum héröðum sem Rússar hyggjast innlima verði svarað með öllum tiltækum ráðum. Tilkynnt var um herkvaðningu í Rússlandi í morgun. 21. september 2022 12:05 Segja herkvaðninguna til marks um misheppnaða aðgerð Rússa Ákvörðun Vladimir Pútín Rússlandsforseta að grípa til herkvaðningar er viðurkenning á því að innrásin í Úkraínu hefur ekki gengið eins og Rússar ætluðu. Þetta segja bæði talsmenn Úkraínustjórnar og Ben Wallace, varnarmálaráðherra Bretlands. 21. september 2022 08:33 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Leiðin í vinnuna smám saman þrefaldast: „Þetta er eins og í einhverri bíómynd“ Innlent Fannst hennar tími vera kominn Innlent Miðflokkurinn staðfestir sig sem þriðji stærsti flokkurinn Innlent Ofbeldisbrotum fjölgar á sama tíma og lögreglumönnum fækkar Innlent Öldungadeildin samþykkti 95 milljarða dala aðstoð við Úkraínu, Ísrael og Taívan Erlent Vitni greinir frá ráðabruggi og lögmaður Trump fær viðvörun Erlent Landeigendur höfða mál gegn ríkinu vegna Hvammsvirkjunar Innlent Össur segir Jóni Gnarr að „hætta að væla“ Innlent Reyna að sigla um geiminn á geislum sólarinnar Erlent Verkefnið skapi níutíu störf og meðallaunin verði um 1,4 milljón á mánuði Innlent Fleiri fréttir Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sakaði Trump um að reyna að spilla kosningunum 2016 Dæmdu samskiptastjóra Meta fyrir að „verja hryðjuverk“ Modi sakaður um múslimaandúð í miðjum kosningum Dregur úr vinnu og verkefnum Evrópa hlýnar hraðast heimsálfanna Duda segir Pólverja reiðubúna til að geyma kjarnorkuvopn Segir af sér vegna mistaka í kringum árás Hamas Rallýbíll ók á áhorfendur á Sri Lanka Ísraelar æfir yfir fyrirhuguðum þvingunum á Netzah Yehuda herdeildina Ríki heims verja metupphæðum til hermála Kynferðisafbrotamanni bannað að nota gervigreind Varnarmál efst á baugi nýs formanns Ætla að endurreisa Børsen „sama hvað“ Frumvarp um bann við TikTok samþykkt Heita Úkraínu 61 milljarði dala í stuðning Tugir þúsunda mótmæltu fjölda ferðamanna á Kanaríeyjum Sprengjuhótun í Billund Sjá meira
Sagði mikilvægt að gefa Rússum ekki andrými til að efla varnir sínar Vólódímír Selenskí Úkraínuforseti virðist ekki gefa mikið fyrir tilraunir Rússa til að stigmagna átökin í Úkraínu með því að boða til herkvaðningar. 22. september 2022 07:23
Segir Pútín hafa gert „stór mistök“ Jens Stoltenberg, framkvæmdastjóri Atlantshafsbandalagsins (NATO) segir hótanir Vladimírs Pútins, forseta Rússlands, um notkun kjarnorkuvopna vera „hættulegan og óábyrgan“ áróður. Hann segir að eina leiðin til að binda enda á stríðið í Úkraínu sé að sýna Rússum það og sanna að þeir geti ekki sigrað í Úkraínu. 21. september 2022 20:27
Gefið í skyn að aðgerðum á hernumdum svæðum verði svarað fullum hálsi Orðræða rússneskra stjórnvalda hefur stigmagnast að mati sérfræðings í utanríkismálum, þar sem gefið er í skyn að hernaðaraðgerðum í úkraínskum héröðum sem Rússar hyggjast innlima verði svarað með öllum tiltækum ráðum. Tilkynnt var um herkvaðningu í Rússlandi í morgun. 21. september 2022 12:05
Segja herkvaðninguna til marks um misheppnaða aðgerð Rússa Ákvörðun Vladimir Pútín Rússlandsforseta að grípa til herkvaðningar er viðurkenning á því að innrásin í Úkraínu hefur ekki gengið eins og Rússar ætluðu. Þetta segja bæði talsmenn Úkraínustjórnar og Ben Wallace, varnarmálaráðherra Bretlands. 21. september 2022 08:33