Veður

Vindur snýst til norð­lægra átta

Atli Ísleifsson skrifar
Hiti á landinu verður á bilinu átta til fimmtán stig, svalast á Vestfjörðum.
Hiti á landinu verður á bilinu átta til fimmtán stig, svalast á Vestfjörðum. Vísir/Vilhelm

Vindur snýst til norðlægra átta í dag og verður úrkoma einkum bundin við Suður- og Suðausturland fyrripart dags en norðan og austanvert landið þegar líður á daginn.

Á vef Veðurstofunnar segir að á Suðvestur- og Vesturlandi ætti að vera úrkomuminna, en hiti verður á bilinu átta til fimmtán stig, svalast á Vestfjörðum.

Á morgun og laugardag verða norðlægar áttir ríkjandi. Úrkoman einkum bundin við norðan- og austanvert landið og fremur svalt þar en mildara syðra og lengst af þurrt.

Spákortið fyrir klukkan 14.Veðurstofan

Veðurhorfur á landinu næstu daga

Á föstudag: Norðan- og norðaustan 3-10 m/s og víða skúrir, en 10-15 og rigning norðvestantil. Hiti 5 til 14 stig, svalast á Vestfjörðum.

Á laugardag: Stíf norðanátt á vesturhelmingi landsins, en mun hægari eystra. Rigning og hiti 3 til 8 stig á norðanverðu landinu, en bjart sunnan heiða með hita að 15 stigum allra syðst.

Á sunnudag: Norðaustankaldi norðvestantil, en annars hægari breytileg átt. Sums staðar dálitlar skúrir, og hiti 5 til 14 stig að deginum, mildast sunnan heiða.

Á mánudag og þriðjudag: Austan- og norðaustanátt og rigning með köflum, en milt veður að deginum.

Á miðvikudag: Útlit fyrir breytilega vindátt með vætu, einkum norðan- og austantil. Hiti breytist lítið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.