Veður

Veðrið gæti orðið ferða­fólki til vand­ræða

Ellen Geirsdóttir Håkansson skrifar
Veðrið gæti orðið ferðafólki til vandræða.
Veðrið gæti orðið ferðafólki til vandræða. Vísir/Vilhelm Gunnarsson

Útlit er fyrir vestlæga átt vestantil en hæga norðlæga átt austantil á landinu í dag. Síst er útlit fyrir skúri á Suðurlandi en þó víða annarsstaðar. Hámarkshiti gæti náð 18 stigum suðaustan til og milt veður er á öllu landinu. Þegar kvölda tekur nálgast lægð úr suðvestri og hvessir sunnan og vestan til í fyrramálið.

Annað kvöld má gera ráð fyrir suðaustan 10 til 15 metrum á sekúndu við suðurströndina og rigningu sunnan- og vestanlands, sem og á hálendinu. Veðrið gæti orðið ferðafólki til vandræða hvort sem um þá sem eru fótgangandi eða með hjólhýsi í eftirdragi er að ræða. Veðrið verður heldur minna norðan og austan til, þó má einnig búast við rigningu þar aðfaranótt laugardags.

Áframhaldandi suðlæg átt og skúrir eru í kortunum á laugardag en á sunnudag styttir upp að mestu sunnantil en útlit er fyrir vætu, að minnsta kosti fyrripart dags, norðanlands. Almennt er milt loft yfir landinu og hiti víða 10 til 16 stig yfir daginn.


Veðurhorfur á landinu næstu daga

Föstudagur

Suðlæg átt, 3 til 10 metrar á sekúndu og bjart með köflum norðan og austan til en vaxandi suðaustan átt suðvestan til, 8 til 15 metrar á sekúndu, þykknar upp og fer að rigna þar eftir hádegi. Hiti 10 til 17 stig hlýjast norðanlands.


Laugardagur

Suðaustlæg átt, 5 til 13 metrar á sekúndu og rigning suðaustan til annars víða skúrir. Hiti 10 til 19 stig, hlýjast á Norðausturlandi.


Sunnudagur

Vestan 5 til13 metrar á sekúndu. Dálítil væta sunnan jökla fyrir hádegi en skúrir eða rigning um landið norðanvert. Léttir til syðra eftir hádegi. Hiti 8 til 18 stig, hlýjast suðaustan til.


Mánudagur

Hæg suðaustlæg eða breytileg átt og bjart með köflum en snýst í suðaustan 5 til 10 suðvestan til um kvöldið með lítlsháttar úrkomu. Hiti 10 til 15 stig.


Þriðjudagur og miðvikudagur

Útlit fyrir breytileg átt með dálítilli vætu í flestum landshlutum. Hiti 8 til 15 stig.


Nánari upplýsingar um veðurfar má finna á vef Veðurstofunnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.