Frumsýna nýja útgáfu á sögulegu Þjóðhátíðarlagi á Vísi á morgun

Dóra Júlía Agnarsdóttir skrifar 6. júlí 2022 20:00

Klara og Hreimur syngja Lífið er yndislegt órafmagnað. Hafþór Karlsson.

Klara Elias og Hreimur frumsýna nýja og órafmagnaða útgáfu af Lífið er yndislegt hér á Lífinu á Vísi á morgun klukkan 11:30. Hreimur gerði lagið sögulegt á sínum tíma en Lífið er yndislegt er eitt þekktasta Þjóðhátíðarlag allra tíma.

Klara mun koma til með að senda frá sér nokkrar órafmagnaðar útgáfur af Þjóðhátíðarlögum og verða tónlistarmyndböndin frumsýnd á Vísi í hádeginu á fimmtudögum fram að Þjóðhátíð.

„Ég lagði til við Ölgerðina og Tuborg að við myndum framleiða aðeins öðruvísi kynningarefni þetta árið og eitthvað sem myndi gefa fólki nýjar útgáfur og upplifun af þjóðhátíðarlögum sem þau elska. Ég ákvað að breyta þeim í dúetta, draga fram rafmagnsgítar og gera live og tiltölulega órafmagnaðar útgáfur sem er hægt að setja á þegar fólk er að koma sér í gír fyrir Þjóðhátíð,“ segir Klara.

Hér má sjá stiklu úr tónlistarmyndbandinu:

Klippa: Lífið er yndislegt - Trailer

Tónlist Þjóðhátíð í Eyjum

Tengdar fréttir

Klara frumsýnir myndbandið við Þjóðhátíðarlagið Eyjanótt

Lífið á Vísi frumsýnir tónlistarmyndband Þjóðhátíðarlagsins í ár, Eyjanótt. Saga Sig er leikstjóri myndbandsins, Stella Rósenkranz framleiðandi og Klara Elias listrænn stjórnandi. Lagið er flutt af Klöru og samið af henni og Ölmu Goodman.

10. júní 2022 12:01

Klara Elias frumflutti Þjóðhátíðarlagið 2022

Söngkonan Klara Elias er höfundur og flytjandi Þjóðhátíðarlagsins í ár. Lagið, sem heitir Eyjanótt, kom út fyrr í dag á allar helstu streymisveitur og var frumflutt í Brennslunni á FM957 í morgun.

7. júní 2022 11:19

Klara Elias er höfundur og flytjandi Þjóðhátíðarlagsins í ár

Höfundur og flytjandi Þjóðhátíðarlags Vestmannaeyja 2022 er Klara Elias söngkona og lagahöfundur. Aðeins einu sinni áður hefur hið opinbera þjóðhátíðarlag verið samið og flutt af konu og var það lagið og var það lagið Sjáumst þar eftir Röggu Gísla árið 2017.

27. maí 2022 06:01