Íslenski boltinn

Þrennu­hetja Þróttar best og Hildur skoraði flottasta markið

Runólfur Trausti Þórhallsson skrifar
Breiðablik fagnar sigurmarki Hildar Antonsdóttur. Var það valið mark umferðarinnar.
Breiðablik fagnar sigurmarki Hildar Antonsdóttur. Var það valið mark umferðarinnar. Vísir/Diego

Áttunda umferð Bestu deildar kvenna í fótbolta var gerð upp í síðasta þætti af Bestu mörkunum. Lið umferðarinnar var valið sem og besti leikmaðurinn ásamt besta markinu.

Besti leikmaður 8. umferðar var svo gott sem sjálfvalinn en eftir að lenda undir í Vesturbæ Reykjavíkur vann Þróttur R. 3-1 útisigur og fór heim með stigin þrjú. Mörkin þrjú skoraði hin 17 ára gamla Katla Tryggvadóttir .

Katla gekk í raðir Þróttar frá Val fyrir tímabilið og hefur spilað hreint út sagt frábærlega. Hún hafði fyrir leikinn skorað eitt mark og er því nú með fjögur alls eða 25 prósent af mörkum Þróttar í fyrstu átta umferðum Bestu deildarinnar.

Lið umferðarinnar var þannig skipað að Telma Ívarsdóttir stendur í markinu. Í þriggja manna vörn er Natasha Moraa Anasi ásamt Málfríði Ernu Sigurðardóttur og Örnu Dís Arnþórsdóttur.

Á fjögurra manna miðju eru Olga Secova, Sandra Voitane, Betsy Hassett og að sjálfsögðu Katla. Þar fyrir framan er Ída Marín Hermannsdóttir á meðan Gyða Kristín Gunnarsdóttir og Hildur Antonsdóttir leiða línuna.

Þá er þjálfari umferðarinnar Ásmundar Arnarsson. Lið hans, Breiðablik, vann Selfoss með einu marki gegn engu í umferðinni.

Lið 8. umferðar í Bestu deild kvenna ásamt besta þjálfaranum.Stöð 2 Sport

Mark umferðarinnar var svo mark Hildar í eins marks sigri Blika en Björn Sigurbjörnsson, þjálfari Selfyssinga, var ekki alveg sammála þeim Helenu Ólafsdóttur, Hörpu Þorsteinsdóttur og Mist Rúnarsdóttur er kom að fegurð marksins.

„Þetta var örugglega ekki fallegasta mark sem Hildur hefur skorað á ferlinum en mark engu að síður. Mér fannst við gera vel gegn best spilandi liði deildarinnar að mínu mati. Vinnuframlagið var gott en þurfum að vera beittari fram á við,“ sagði Björn í samtali við Vísi eftir leik.

Hér að neðan má sjá umræðu Bestu markanna, mörkin hennar Kötlu og markið hennar Hildar.

Klippa: Uppjgör 8. umferðar Bestu deildar kvenna



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.