Tónlist

„Gæti haldið tónleika á hverjum degi“

Sylvía Rut Sigfúsdóttir skrifar
Bríet var valin poppflytjandi ársins á Hlustendaverðlaununum fyrr á árinu.
Bríet var valin poppflytjandi ársins á Hlustendaverðlaununum fyrr á árinu. Vísir/Hulda Margrét

Söngkonan Bríet ætlar að endurtaka leikinn og halda stórtónleika í Eldborg í Hörpu á laugardag. Við tókum púlsinn á söngkonunni sem er á fullu að undirbúa tónleikana.

„Á milli kvíðakasts, ofsaþreytu og þvílíks spennings er ég bara frekar róleg og í góðum gír,“ segir Bríet. 

„Við erum búin að vera að æfa svolítið þétt fyrir þetta, dansæfingar, hljómsveitaræfingar, test á make-upi og hári, sauma nýja búninga og meira og það hefur verið mikill byr undir seglin og allt að ganga eins og í sögu.“

Bríet gerir ýmislegt til þess að peppa sig áður en hún fer á svið. 

„Ég hugleiði, þegi og horfi svo i augun á þeim sem mérr þykir vænt um og fæ bros, þá peppast ég alveg gífurlega mikið upp.“

Tónleikar Bríetar í október á síðasta ári voru virkilega vel heppnaðir eins og við fjölluðum um hér á Lífinu á Vísi. Vann hún meðal annars Íslensku tónlistarverðlaunin fyrir þá flugeldasýningu. 

Áhorfendur fylgdust agndofa með Bríet syngja svífandi í loftinu.Berglaug Petra

„Mér finnst skemmtilegast að finna að allir eru að njóta sín, fá að tengjast fólkinu og heyra það syngja með lögunum, mér finnst svo margt gaman við það að halda tónleika að eg gæti gert það á hverjum degi.“


Tengdar fréttir

Bríet gerði áhorfendur agndofa í Hörpu

Söngkonan Bríet hélt tvenna tónleika í Eldborgarsal Hörpu á föstudag. Á tónleikunum sýndi þessi listakona enn og aftur hversu ótrúlega hæfileikarík og fjölhæf hún er. 

Rómeó og Júlía í mótun fram á lokastundu fyrir frumsýningu

Um helgina var frumsýnt verkið Rómeó og Júlía í Þjóðleikhúsinu í leikstjórn Þorleifs Arnar Arnarssonar. Um er að ræða einstaka uppsetningu á þessu fræga verki og nær Þorleifur algjörlega að setja sinn svip á sýninguna.

Bríet og Bubbi mæta á langþráða Þjóðhátíð

Það er loksins komið að því að Þjóðhátíð í Eyjum fari fram eftir að hafa legið niðri síðustu tvö ár vegna heimsfaraldursins. Landslið listamanna er nú þegar á dagskránni og á enn eftir að bætast við í flóruna eftir því sem nær dregur. 

Þessi hlutu Hlustendaverðlaunin í ár

Hlustendaverðlaunin voru afhent í Kolaportinu í kvöld. Sýnt var frá viðburðinum í beinni útsendingu á Stöð 2 og hér á Vísi. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.