Dagur gefur lítið fyrir ásakanir um óheiðarleika Jakob Bjarnar skrifar 2. maí 2022 15:17 Hart var tekist á um borgarmálin í Pallborðinu nú fyrir stundu. vísir/vilhelm Hildur Björnsdóttir oddviti Sjálfstæðisflokksins í borginni sótti hart að Degi B. Eggertssyni borgarstjóra og oddvita Samfylkingarinnar í Pallborði Vísis. Þau tvö ásamt Dóru Björt Guðjónsdóttur oddvita Pírata voru mætt í pallborðið til að takast á um málefni borgarinnar nú í aðdraganda sveitarstjórnarkosninga. Sunna Sæmundsdóttir fréttamaður innti Hildi sérstaklega eftir afgerandi ummælum hennar þar sem hún talar um óforskammaðar kosningabrellur Dags. Dagur taldi þetta ekki ummæli sem vert væri að gefa gaum; slík ummæli féllu oft í kosningabaráttu hjá þeim sem ættu undir högg að sækja. Meintar bókhaldsbrellur borgarstjóra Dagur getur trútt um talað en Samfylkingin mælist stærsti flokkurinn í borginni og kannanir benda til þess að meirihlutinn gæti haldið velli. Fylgi Sjálfstæðisflokksins hefur verið á niðurleið og samkvæmt könnunum gæti flokkurinn tapað tveimur til þremur fulltrúum. Téð ummæli setti Hildur fram á Facebook-síðu sinni: „Ég get ekki orða bundist. Á aðeins örfáum dögum hefur Dagur B. Eggertsson komið fram af slíkum óheiðarleika í umræðunni að manni hreinlega misbýður.“ Og þú segir segir sjónhverfingamanninn Dag verða að komast í frí? spurði Sunna Hildi. Í hvað ertu að vísa þarna því þetta eru stór orð? „Já, þetta eru stór orð. Þetta kemur í kjölfarið á umræðu um ársreikninga Reykjavíkurborgar þar sem borgarstjóri kemur fram af svo miklum hroka að mér fannst. Og lýsir því yfir að fjárhagur borgarinnar standi traustur. Hildur segir að sér hafi brugðið þegar hún sá málflutning Dags, sem hún telur einkennast af hroka, bókhaldsbrellum og óheiðarleika.vísir/vilhelm Hann er þar að notfæra sér ákveðnar bókhaldsaðferðir sem eru mjög dregnar í efa af eftirlitsstofnun EFTA og líka sveitastjórnarráðuneytinu. Þar er verið að nota matsbreytingar á eignum félagsbústaða. Sem er bókhaldsaðferð sem er eingöngu notuð um fjárfestingaeignir. Það að bókfæra eignir félagsbústaða með þessum hætti gefur til kynna að borgarstjóri ætli annað hvort selja félagsbústaði eða rukka markaðsverð fyrir leiguna.“ Segir borgarsjóð ekki sjálfbæran Hildur var rétt að byrja. Hún sagði að ef litið væri til borgarsjóðs, sem er sá sjóður sem tekur á móti sköttum borgarbúa gegn þjónustu, þá sé það svo að hann sé rekinn með fjögurra milljarða króna halla. Og það er ekki bara hægt að kenna Covid um það, sagði Hildur og nefndi hlutabótaleið ríkisstjórnarinnar sem varð borgarsjóð fyrir tekjutapi. „Við erum að sjá það að rekstur borgarinnar er ekki sjálfbær. Hann er rekinn með halla. Og við finnum það í daglegu lífi, þjónustunni sem við fáum frá borginni eða fáum ekki. Við sjáum hvað borgin er ótrúlega skítug og óþrifaleg. Dagur var ekki brosmildur meðan á ræðu Hildar stóð.vísir/vilhelm Við sáum það á snjóruðningi í vetur, við sjáum það á leikskólavandanum, við sjáum það á mygluðu skólahúsnæði hér um alla borg … við sjáum þetta allstaðar. Þetta er bara birtingarmynd af slæmum rekstri. Og mér finnst óheiðarlegt þegar borgarstjóri kemur fram og segir reksturinn góðan,“ sagði Hildur meðal annars í mikilli ræðu sinni sem borgarstjóri sat heldur órór undir; sér hafi beinlínis brugðið þegar hún sá þessa framsetningu Dags. Þeim sem gengur illa verði gjarnan stóryrtir Dagur fékk vitaskuld tækifæri til að bregðast við og var spurður hvernig hann brygðist við ásökunum um óheiðarleika og bókhaldsbrellur: Fólki misbýður það sem þú ert að færa fram í aðdraganda kosninga? „Já, ég hef út af fyrir sig séð svona áður í aðdraganda kosninga. Ef einhverjum gengur ekki alveg eins vel og hann vill og grípur til þess að nota bara stærri og stærri orð um andstæðinginn. Ég held að fólk verði litlu nær. Þess vegna hef ég ekki verið að eltast við einstök ummæli af þessu tagi. Við auðvitað með ytri endurskoðendur, við erum með innri endurskoðun, við erum með endurskoðunarnefnd, við erum með fjölda fagfólks hjá borginni og ytri aðila sem færa ársreikninga borgarinnar í samræmi við alþjóðlega reikningsskilastaðla. Dóra Björt lýsti því yfir að Píratar ætli sér ekki að ganga til samstarfs við Sjálfstæðisflokkinn, hann sé einfaldlega ekki nógu heiðarlegur til þess að það sé valkostur.vísir/vilhelm Sumar þær vangaveltur sem Hildur er að vísa í hafa verið bornar undir þar til gerðar nefndir hjá ráðuneytinu sem hafa staðfest hvaða aðferðir við erum að beita og við erum að beita þeim. Það sem er að koma á daginn, eftir öll stóru orðin, er að fjárhagur borgarinnar stendur sterkt ef við berum okkur saman við nágranna okkar eða hvaða sveitafélag sem er,“ sagði Dagur meðal annars í svari sínu. Píratar ætla ekki í samstarf með Sjálfstæðisflokknum Óhætt er að segja að umræður hafi verið heitar og blaðamaður vill misnota aðstöðu sína og hvetja alla áhugamenn um stjórnmál og komandi kosningar til að horfa á umræðurnar sem finna má í heild sinni hér neðar. Meðal þess sem komið var inná voru samgöngumálin en Dóra Björt gaf ekki mikið fyrir málflutning Sjálfstæðisflokksins í þeim efnum, sagði hann „miðjumoð og sull í poka sem sýnt hefur sigað að virki ekki ef bjóða á upp á alvöru valfrelsi í samgöngumálum. Við þurfum að standa með Borgarlínu alla leið. Það væri hægt að gera þetta verr en þá nær þetta ekki markmiðum sínum.“ Hildur sagði Sjálfstæðisflokkinn styðja hágæða almenningssamgöngur en hafa áhyggjur af útfærslunni. „Við teljum að það sé hægt að fara inn í þessa vegferð og gera það af hagkvæmni og skilvirkni þannig að við vitum hvað hlutirnir kosta, á forsendum íbúa og atvinnulífs án þess að vega að öðrum kostum í samgöngum,“ sagði Hildur og vísaði til þess að hún væri ósátt með að taka eigi akreinar undir verkefnið. „Við styðjum borgarlínu í skynsamlegri útfærslu.“ Ekki í núverandi útfærslu? „Ekki í núverandi útfærslu eins og hún birtist hér í Reykjavík,“ svaraði Hildur. Dóra lýsti því jafnframt yfir að þau gengju ekki óbundin til kosninga, ekki í þeim skilningi að þau ætluðu ekki í samstarf við Sjálfstæðisflokkinn; Píratar stæðu fyrir heiðarleika í stjórnmálum og það væri ekki nokkuð sem kenna mætti við Sjálfstæðisflokkinn. Sveitarstjórnarkosningar 2022 Pallborðið Reykjavík Samfylkingin Sjálfstæðisflokkurinn Píratar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Starfsmaður Base Parking á 170 á bíl viðskiptavinar Innlent Lokuðu þorpi í leit að svörum um hvarf tveggja ára drengs Erlent Ákærður fyrir leynilega nektarmynd í Nauthólsvík Innlent Próftökubann og refsingar fyrir svindlara Innlent Stærsti gígurinn orðinn „formfagur“ Innlent Vill að Færeyjar fái nýjan flugvöll Erlent „Þetta er dagurinn til að skella sér á skíði“ Innlent Hviður allt að 35 metrar á sekúndu og hætt við sandfoki Innlent Lýsisskip strandaði í Fáskrúðsfirði Innlent Umfangsmikið verkefni að hreinsa til eftir slysið Erlent Fleiri fréttir „Reynum allt til að missa þetta ekki í sömu stærð“ Skíðin fundust óskemmd í umferðinni Starfsmaður Base Parking á 170 á bíl viðskiptavinar Vill meiri og betri löggæslu í Mýrdalshreppi Mikil aðsókn í neyðarskýli Próftökubann og refsingar fyrir svindlara Ákærður fyrir leynilega nektarmynd í Nauthólsvík Hádegisfréttir Bylgjunnar Hviður allt að 35 metrar á sekúndu og hætt við sandfoki „Þetta er dagurinn til að skella sér á skíði“ Ógnaði dyraverði skemmtistaðar með hníf Lýsisskip strandaði í Fáskrúðsfirði Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Líkamsárás til rannsóknar eftir nóttina Sjá meira
Þau tvö ásamt Dóru Björt Guðjónsdóttur oddvita Pírata voru mætt í pallborðið til að takast á um málefni borgarinnar nú í aðdraganda sveitarstjórnarkosninga. Sunna Sæmundsdóttir fréttamaður innti Hildi sérstaklega eftir afgerandi ummælum hennar þar sem hún talar um óforskammaðar kosningabrellur Dags. Dagur taldi þetta ekki ummæli sem vert væri að gefa gaum; slík ummæli féllu oft í kosningabaráttu hjá þeim sem ættu undir högg að sækja. Meintar bókhaldsbrellur borgarstjóra Dagur getur trútt um talað en Samfylkingin mælist stærsti flokkurinn í borginni og kannanir benda til þess að meirihlutinn gæti haldið velli. Fylgi Sjálfstæðisflokksins hefur verið á niðurleið og samkvæmt könnunum gæti flokkurinn tapað tveimur til þremur fulltrúum. Téð ummæli setti Hildur fram á Facebook-síðu sinni: „Ég get ekki orða bundist. Á aðeins örfáum dögum hefur Dagur B. Eggertsson komið fram af slíkum óheiðarleika í umræðunni að manni hreinlega misbýður.“ Og þú segir segir sjónhverfingamanninn Dag verða að komast í frí? spurði Sunna Hildi. Í hvað ertu að vísa þarna því þetta eru stór orð? „Já, þetta eru stór orð. Þetta kemur í kjölfarið á umræðu um ársreikninga Reykjavíkurborgar þar sem borgarstjóri kemur fram af svo miklum hroka að mér fannst. Og lýsir því yfir að fjárhagur borgarinnar standi traustur. Hildur segir að sér hafi brugðið þegar hún sá málflutning Dags, sem hún telur einkennast af hroka, bókhaldsbrellum og óheiðarleika.vísir/vilhelm Hann er þar að notfæra sér ákveðnar bókhaldsaðferðir sem eru mjög dregnar í efa af eftirlitsstofnun EFTA og líka sveitastjórnarráðuneytinu. Þar er verið að nota matsbreytingar á eignum félagsbústaða. Sem er bókhaldsaðferð sem er eingöngu notuð um fjárfestingaeignir. Það að bókfæra eignir félagsbústaða með þessum hætti gefur til kynna að borgarstjóri ætli annað hvort selja félagsbústaði eða rukka markaðsverð fyrir leiguna.“ Segir borgarsjóð ekki sjálfbæran Hildur var rétt að byrja. Hún sagði að ef litið væri til borgarsjóðs, sem er sá sjóður sem tekur á móti sköttum borgarbúa gegn þjónustu, þá sé það svo að hann sé rekinn með fjögurra milljarða króna halla. Og það er ekki bara hægt að kenna Covid um það, sagði Hildur og nefndi hlutabótaleið ríkisstjórnarinnar sem varð borgarsjóð fyrir tekjutapi. „Við erum að sjá það að rekstur borgarinnar er ekki sjálfbær. Hann er rekinn með halla. Og við finnum það í daglegu lífi, þjónustunni sem við fáum frá borginni eða fáum ekki. Við sjáum hvað borgin er ótrúlega skítug og óþrifaleg. Dagur var ekki brosmildur meðan á ræðu Hildar stóð.vísir/vilhelm Við sáum það á snjóruðningi í vetur, við sjáum það á leikskólavandanum, við sjáum það á mygluðu skólahúsnæði hér um alla borg … við sjáum þetta allstaðar. Þetta er bara birtingarmynd af slæmum rekstri. Og mér finnst óheiðarlegt þegar borgarstjóri kemur fram og segir reksturinn góðan,“ sagði Hildur meðal annars í mikilli ræðu sinni sem borgarstjóri sat heldur órór undir; sér hafi beinlínis brugðið þegar hún sá þessa framsetningu Dags. Þeim sem gengur illa verði gjarnan stóryrtir Dagur fékk vitaskuld tækifæri til að bregðast við og var spurður hvernig hann brygðist við ásökunum um óheiðarleika og bókhaldsbrellur: Fólki misbýður það sem þú ert að færa fram í aðdraganda kosninga? „Já, ég hef út af fyrir sig séð svona áður í aðdraganda kosninga. Ef einhverjum gengur ekki alveg eins vel og hann vill og grípur til þess að nota bara stærri og stærri orð um andstæðinginn. Ég held að fólk verði litlu nær. Þess vegna hef ég ekki verið að eltast við einstök ummæli af þessu tagi. Við auðvitað með ytri endurskoðendur, við erum með innri endurskoðun, við erum með endurskoðunarnefnd, við erum með fjölda fagfólks hjá borginni og ytri aðila sem færa ársreikninga borgarinnar í samræmi við alþjóðlega reikningsskilastaðla. Dóra Björt lýsti því yfir að Píratar ætli sér ekki að ganga til samstarfs við Sjálfstæðisflokkinn, hann sé einfaldlega ekki nógu heiðarlegur til þess að það sé valkostur.vísir/vilhelm Sumar þær vangaveltur sem Hildur er að vísa í hafa verið bornar undir þar til gerðar nefndir hjá ráðuneytinu sem hafa staðfest hvaða aðferðir við erum að beita og við erum að beita þeim. Það sem er að koma á daginn, eftir öll stóru orðin, er að fjárhagur borgarinnar stendur sterkt ef við berum okkur saman við nágranna okkar eða hvaða sveitafélag sem er,“ sagði Dagur meðal annars í svari sínu. Píratar ætla ekki í samstarf með Sjálfstæðisflokknum Óhætt er að segja að umræður hafi verið heitar og blaðamaður vill misnota aðstöðu sína og hvetja alla áhugamenn um stjórnmál og komandi kosningar til að horfa á umræðurnar sem finna má í heild sinni hér neðar. Meðal þess sem komið var inná voru samgöngumálin en Dóra Björt gaf ekki mikið fyrir málflutning Sjálfstæðisflokksins í þeim efnum, sagði hann „miðjumoð og sull í poka sem sýnt hefur sigað að virki ekki ef bjóða á upp á alvöru valfrelsi í samgöngumálum. Við þurfum að standa með Borgarlínu alla leið. Það væri hægt að gera þetta verr en þá nær þetta ekki markmiðum sínum.“ Hildur sagði Sjálfstæðisflokkinn styðja hágæða almenningssamgöngur en hafa áhyggjur af útfærslunni. „Við teljum að það sé hægt að fara inn í þessa vegferð og gera það af hagkvæmni og skilvirkni þannig að við vitum hvað hlutirnir kosta, á forsendum íbúa og atvinnulífs án þess að vega að öðrum kostum í samgöngum,“ sagði Hildur og vísaði til þess að hún væri ósátt með að taka eigi akreinar undir verkefnið. „Við styðjum borgarlínu í skynsamlegri útfærslu.“ Ekki í núverandi útfærslu? „Ekki í núverandi útfærslu eins og hún birtist hér í Reykjavík,“ svaraði Hildur. Dóra lýsti því jafnframt yfir að þau gengju ekki óbundin til kosninga, ekki í þeim skilningi að þau ætluðu ekki í samstarf við Sjálfstæðisflokkinn; Píratar stæðu fyrir heiðarleika í stjórnmálum og það væri ekki nokkuð sem kenna mætti við Sjálfstæðisflokkinn.
Sveitarstjórnarkosningar 2022 Pallborðið Reykjavík Samfylkingin Sjálfstæðisflokkurinn Píratar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Starfsmaður Base Parking á 170 á bíl viðskiptavinar Innlent Lokuðu þorpi í leit að svörum um hvarf tveggja ára drengs Erlent Ákærður fyrir leynilega nektarmynd í Nauthólsvík Innlent Próftökubann og refsingar fyrir svindlara Innlent Stærsti gígurinn orðinn „formfagur“ Innlent Vill að Færeyjar fái nýjan flugvöll Erlent „Þetta er dagurinn til að skella sér á skíði“ Innlent Hviður allt að 35 metrar á sekúndu og hætt við sandfoki Innlent Lýsisskip strandaði í Fáskrúðsfirði Innlent Umfangsmikið verkefni að hreinsa til eftir slysið Erlent Fleiri fréttir „Reynum allt til að missa þetta ekki í sömu stærð“ Skíðin fundust óskemmd í umferðinni Starfsmaður Base Parking á 170 á bíl viðskiptavinar Vill meiri og betri löggæslu í Mýrdalshreppi Mikil aðsókn í neyðarskýli Próftökubann og refsingar fyrir svindlara Ákærður fyrir leynilega nektarmynd í Nauthólsvík Hádegisfréttir Bylgjunnar Hviður allt að 35 metrar á sekúndu og hætt við sandfoki „Þetta er dagurinn til að skella sér á skíði“ Ógnaði dyraverði skemmtistaðar með hníf Lýsisskip strandaði í Fáskrúðsfirði Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Líkamsárás til rannsóknar eftir nóttina Sjá meira