Enski boltinn

Roman Abramovich stígur til hliðar

Atli Arason skrifar
Roman Abramovich á Stamford Bridge í maí 2017. (Photo by Chris Brunskill Ltd/Getty Images)
Roman Abramovich á Stamford Bridge í maí 2017. (Photo by Chris Brunskill Ltd/Getty Images)

Roman Abramovich og Chelsea gáfu út sameiginlega yfirlýsingu rétt í þessu þar sem kemur fram að Abramovich muni stíga til hliðar sem stjórnandi í daglegum rekstri félagsins. Ekki er tekið fram hvers vegna Abramovich er að stíga til hliðar.

„Á mínu 20 ára eignarhaldi á Chelsea hef ég alltaf borið hagsmuni félagsins fyrir brjósti og reynt að tryggja að árangur okkur myndi vera eins góður og hann er í dag ásamt því að byggja upp fyrir framtíðina og gefa jákvæða strauma út í samfélagið okkar,“ er haft eftir Abramovich í yfirlýsingu félagsins.

„Ég hef alltaf tekið ákvarðanir með hagsmuni félagsins í forgrunni. Ég mun halda áfram að vera trúr þeim gildum. Það er þess vegna sem ég er í dag að láta af stjórn á félaginu og færa þau völd yfir til góðgerðasamtaka Chelsea sem munu sjá um félagið hér eftir.“

„Ég trúi því að þau séu í bestu stöðinni til að hugsa um hagsmuni félagsins, leikmanna, starfsfólks og aðdáenda liðsins,“ sagði Roman Abramovich.

Ekki er nákvæmlega vitað hvað það þýðir í sjálfu sér að hann gefi eftir stjórn félagsins tímabundið.

 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.