Enski boltinn

Greenwood sakaður um líkamsárás og líflátshótanir

Hjörtur Leó Guðjónsson skrifar
Mason Greenwood verður áfram í haldi lögreglu.
Mason Greenwood verður áfram í haldi lögreglu. Ash Donelon/Manchester United via Getty Images

Mason Greenwood, leikmaður enska knattspyrnufélagsins Manchester United, verður áfram í gæsluvarðhaldi lögreglu næstu daga eftir að nýjar ásakanir bárust á hendur honum.

Frá þessu er greint á vef BBC, en lögreglunni í Manchester bárust nýjar ásakanir á hendur Greenwood í dag þar sem hann er sakaður um líkamsárás og líflátshótanir.

Greenwood var handtekinn síðastliðinn sunnudag vegna gruns um heimilisofbeldi og nauðgun.

Lögreglan í Manchester hefur nú fengið enn lengri tíma til að yfirheyra leikmanninn, en lögreglan fékk einnig framlengingu í gær.

Knattspyrnufélagið Manchester United sendi frá sér yfirlýsingu eftir að leikmaðurinn var handtekinn þar sem kemur fram að Greenwood muni hvorki æfa né spila með liðinu á meðan rannsókn málsins stendur yfir.

Þá hefur félagið einnig fjarlægt allan varning merktan Greenwood úr verslunum sínum, íþróttavörumerkjarisinn Nike hefur rift samningi sínum við leikmanninn og tölvuleikjaframleiðandinn EA Sports hefur fjarlægt leikmanninn úr tölvuleik sínum, FIFA 2022.


Tengdar fréttir

Greenwood hefur verið handtekinn

Mason Greenwood, fótboltamaður Manchester United, hefur verið handtekinn grunaður um nauðgun og líkamsárás.




Fleiri fréttir

Sjá meira


×