Tónlist

Katy Perry ferðast til framtíðar í nýju tónlistarmyndbandi

Dóra Júlía Agnarsdóttir skrifar
Katy Perro og Alesso frumsýndu tónlistarmyndband við lagið When I'm Gone síðastliðinn mánudag. Myndbandið virðist eiga sér stað í óræðri framtíð. 
Katy Perro og Alesso frumsýndu tónlistarmyndband við lagið When I'm Gone síðastliðinn mánudag. Myndbandið virðist eiga sér stað í óræðri framtíð.  Instagram @katyperry

Katy Perry sýnir öfluga danstakta með framúrstefnulegum víbrum í glænýju tónlistarmyndbandi við lagið When I’m Gone.

Myndbandið var frumsýnt á íþróttastöðinni ESPN á mánudaginn síðastliðinn við hlé á ruðningsleiknum College Football Playoff National Championship. Þetta er í fyrsta sinn sem ESPN frumsýnir tónlistarmyndband á meðan að leikur er sýndur í beinni útsendingu.

Perry sendi lagið frá sér í samstarfi við plötusnúðinn Alesso og hin íslenska Alma Goodman átti stóran hlut í lagasmíðinni, eins og Vísir fjallaði um hér. Hefur lagið vakið mikla athygli á alheimsvísu og verður spennandi að fylgjast með velgengni Ölmu í framhaldinu.

Í þessu splunkunýja tónlistarmyndbandi skartar Katy Perry fjölbreyttum klæðnaði og má þar meðal annars nefna fjólubláan samfesting með hanska í stíl. Atburðarásin virðist eiga sér stað á óræðum tíma í framtíðinni þar sem fram koma vélmenna hundar og umhverfið er vélrænt og tæknivætt. Ýmis listform mætast og hópur dansara sýnir öflugar listir sínar undir stjórn danshöfundarins Sean Bankhead.

Það hefur margt vatn runnið til sjávar hjá frú Perry eftir að hún gaf út sinn allra fyrsta smell I Kissed a Girl árið 2008. Hún er nú með residensíu í Las Vegas og nýjasta lagið hennar er að sjálfsögðu hluti af settinu.

Hér má svo sjá tónlistarmyndbandið við lagið When I'm Gone:


Tengdar fréttir

Hin íslenska Alma Goodman samdi lag fyrir Katy Perry

Tónlistarkonan og lagahöfundurinn Alma Goodman er enginn nýgræðingur í tónlistarheiminum en hún var meðal annars hluti af stelpu bandinu Nylon sem þróaðist síðar yfir í The Charlies.






Fleiri fréttir

Sjá meira


×