Innlent

Arnaldur hlaut Verðlaun Jónasar Hallgrímssonar

Tryggvi Páll Tryggvason skrifar
Arnaldur Indriðason var kampakátur með verðlaunin.
Arnaldur Indriðason var kampakátur með verðlaunin. Vísir/Vilhelm

Arnaldur Indriðason rithöfundur hlaut í dag Verðlaun Jónasar Hallgrímssonar. Verðlaunin eru veitt árlega, á degi íslenskrar tungu. Vera Illugadóttur hlaut sérstaka viðurkenningu íslenskrar tungu.

Verðlaun Jónasar Hallgrímssonar eru veitt þeim þeim einstaklingi sem hefur með sérstökum hætti unnið íslenskri tungu gagn í ræðu eða riti, með skáldskap, fræðistörfum eða kennslu og stuðlað að eflingu hennar, framgangi eða miðlun til nýrrar kynslóðar.

„Fáir hafa í seinni tíð breitt út fagnaðarerindi tungumáls okkar líkt og verðlaunhafi ársins, sem með höfundaverki sínu hefur ekki aðeins stuðlað að meira læsi þjóðarinnar með því að færa okkur Íslendingum spennandi bækur, heldur einnig orðið til þess að ryðja fleiri íslenskum höfundum braut með því að vekja athygli heimsins á íslenskum bókmenntum. Bækur Arnaldar hafa nú verið þýddar á rúmlega 40 tungumál og þær þýðingar eru afar mikilvæg brú fyrir okkar tungumál og menningu,“ sagði Lilja Alfreðsdóttir, mennta- og menningarmálaráðherra við afhendingu verðlaunanna.

Vera hlaut viðurkenningu fyrir Í ljósi sögunnar

Að tillögu ráðgjafanefndarinnar var einnig veitt viðurkenning í tilefni dagsins. Lilja veitti því Veru Illugadóttur dagskrárgerðarkonu á RÚV sérstaka viðurkenningu dags íslenskrar tungu. Var viðurkenningin veitt fyrir þætti Veru, Í ljósi sögunnar, sem njóta mikilla vinsælda.

Lilja Alfreðsdóttir, mennta- og menningamálaráðherra, veitti Arnaldi verðlaunin í dag.Vísir/Vilhelm.

„Með grípandi framsetningu söguefnis hverju sinni nær Vera eyrum hlustenda vítt og breitt um samfélagið. Hún segir sögur sínar á frjóu og fallegu máli og miðlar fróðleik sínum á tilgerðarlausan en áhrifaríkan hátt,“ sagði í greinargerð ráðgjanefndar Verðlauna Jónasar Hallgrímssonar.

Ráðgjafanefnd Verðlauna Jónasar Hallgrímssonar 2021 skipuðu Ingunn Ásdísardóttir, Haukur Ingvarsson og Katrín Olga Jóhannesdóttir.

Þessi hafa hlotið Verðlaun Jónasar Hallgrímssonar:

  1. Vilborg Dagbjartsdóttir skáld og grunnskólakennari, 1996
  2. Gísli Jónsson menntaskólakennari, 1997
  3. Þórarinn Eldjárn rithöfundur, 1998
  4. Matthías Johannessen, skáld og ritstjóri, 1999
  5. Magnús Þór Jónsson, Megas, 2000
  6. Ingibjörg Haraldsdóttir, skáld og þýðandi, 2001
  7. Jón Böðvarsson, 2002
  8. Jón S. Guðmundsson, 2003
  9. Silja Aðalsteinsdóttir, 2004
  10. Guðrún Helgadóttir, 2005
  11. Njörður P. Njarðvík, 2006
  12. Sigurbjörn Einarsson, 2007
  13. Herdís Egilsdóttir, kennari, 2008
  14. Þorsteinn frá Hamri, rithöfundur og skáld, 2009
  15. Vigdís Finnbogadóttir, velgjörðarsendiherra Sameinuðu Þjóðanna í tungumálum, fyrrverandi forseti Íslands og leikhússtjóri, 2010
  16. Kristín Marja Baldursdóttir rithöfundur, 2011
  17. Hannes Pétursson rithöfundur, 2012
  18. Jórunn Sigurðardóttir, dagskrárgerðarmaður, 2013
  19. Steinunn Sigurðardóttir rithöfundur 2014
  20. Guðjón Friðriksson sagnfræðingur 2015
  21. Sigurður Pálsson skáld 2016
  22. Vigdís Grímsdóttir, rithöfundur, 2017
  23. Eiríkur Rögnvaldsson, prófessor emeritus í íslenskri málfræði, 2018
  24. Jón G. Friðjónsson prófessor, 2019
  25. Gerður Kristný, 2020
  26. Arnaldur Indriðason, 2021

Sérstakar viðurkenningar fyrir stuðning við íslenska tungu hafa hlotið:

  1. Orðanefnd rafmagnsverkfræðingadeildar Verkfræðingafélags Íslands, 1996
  2. Hið íslenska bókmenntafélag, 1997
  3. Blaðamannafélag Íslands, 1998
  4. Félag íslenskra leikskólakennara, 1998
  5. Félag aldraðra í Borgarfjarðardölum, 1999
  6. Mjólkursamsalan, 1999Stóra upplestrarkeppnin, 2000
  7. Dr. Richard N. Ringler, 2000
  8. Félag framhaldsskólanema, 2001
  9. Námsflokkar Reykjavíkur, 2001
  10. Íslensk plöntuheiti, rafræn útgáfa, 2002
  11. Með íslenskuna að vopni, hagyrðingakvöld Vopnfirðinga, 2002
  12. Lesbók Morgunblaðisins, 2003
  13. Spaugstofan, 2003
  14. Kvæðamannafélagið Iðunn, 2004
  15. Strandagaldur, 2004
  16. Lestrarmenning í Reykjanesbæ, 2005
  17. Bókaútgáfan Bjartur, 2005
  18. Orðanefnd Skýrslutæknifélags Íslands, 2006
  19. Leikhópurinn Hugleikur, 2006
  20. Samtök kvenna af erlendum uppruna, 2007
  21. Fréttastofa Útvarps, 2007
  22. Landnámssetur Íslands í Borgarnesi, 2008
  23. Útvarpsleikhúsið, 2008
  24. Þórbergssetur á Hala í Suðursveit, 2009 ( http://www.thorbergur.is/)
  25. Baggalútur (www.baggalutur.is), 2009
  26. Möguleikhúsið 2010, (veffang: http://www.moguleikhusid.is/)
  27. Hljómsveitin Hjálmar 2010
  28. Hljómsveitin Stuðmenn, 2011
  29. Þjóðlagasetur sr. Bjarna Þorsteinssonar á Siglufirði, 2012
  30. Máltæknisetur 2013 ( arnastofnun.is/is/maltaeknisetur )
  31. Ljóðaslamm Borgarbókasafns 2013 (www.borgarbokasafn.is)
  32. Vefnámskeiðið Icelandic Online 2014
  33. Lestrarhátíð í Bókmenntaborg 2014
  34. Bubbi Morthens tónlistarmaður 2015
  35. Ævar vísindamaður (Ævar Þór Benediktsson) 2016
  36. Gunnar Helgason, rithöfundur, 2017
  37. Verkefnið Skáld í skólum, 2018
  38. Reykjavíkurdætur, 2019
  39. Félag ljóðaunnenda á Austurlandi, 2020
  40. Vera Illugadóttir, 2021.


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×