Orri Steinn kallaður inn í 21 árs landsliðið

Orri Steinn kemur inn fyrir KR-inginn Stefán Árni Geirsson sem getur ekki tekið þátt í leikjunum vegna meiðsla.

Orri Steinn hefur verið að gera það gott með nítján ára landsliðinu sem og með ungmennaliði FC Kaupmannahafnar í Danmörku

21 árs landsliðið mætir Liechtenstein og Grikklandi í undankeppni EM og er leikurinn á móti Liechtenstein í dag.

Orri hefur skorað 13 mörk í 19 leikjum fyrir íslensku unglingalandsliðið þar af 4 mörk í 6 leikjum með nítján ára landsliðinu.

Orri hefur skorað 14 mörk í 10 leikjum með nítján ára liði FCK á þessu tímabili og er farinn að banka á dyrnar hjá aðalliðinu.