Ingi­björg bikar­meistari í Noregi annað árið í röð

Marie Markussen kom Vålerenga eftir rúmlega stundarfjórðung og stefndi lengi vel í að það yrði eina mark fyrri hálfleiksins. 

Dejana Stefanovic bætti hins vegar við öðru marki liðsins þegar komið var fram yfir venjulegan leiktíma í fyrri hálfleik og staðan því 2-0 er flautað var til loka fyrri hálfleiks.

Marit Lund minnkaði muninn fyrir Sandviken snemma í síðari hálfleik en Ingibjörg og stöllur hennar í varnarlínu Vålerenga sáu til þess að ekki urðu fleiri mörk skoruðu og fagnaði Vålerenga því 2-1 sigri.

Er þetta annað árið í röð sem liðið verður bikarmeistari en liðið vann tvöfalt í fyrra. Í ár er liið í 4. sæti þegar tvær umferðir eru eftir af deildarkeppninni.

Ingibjörg lék allan leikinn í hjarta varnarinnar en Amanda sat á varamannabekknum frá upphafi til enda.