Slökkvilið í Vík í Mýrdal var kallað út um klukkan 6:30 í morgun eftir að eldur hafði komið upp í íbúðarhúsi í bænum.
Ívar Páll Bjartmarsson slökkvliðsstjóri segir í samtali við fréttastofu að greiðlega hafi gengið að ráða niðurlögum eldsins. Maður hafi verið í húsinu sem stendur við Bakkabraut 7 en hann komist út af sjálfsdáðum, ómeiddur.
Í tilkynningu frá lögreglunni á Suðurlandi segir að húsið sé gamalt og einangrað með heyi.
„Nokkrar skemmdir eru af völdum elds, vatns og reyks. Rannsókn eldsupptaka stendur yfir en grunur beinist að rafbúnaði ljóss í húsinu.“
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
