Benzema og Vinícius sáu til þess að Real heldur topp­sætinu

Runólfur Trausti Þórhallsson skrifar
Karim Benzema.
Karim Benzema. Getty/David S. Bustamante

Real Madrid vann dramatískan 2-1 útisigur á Valencia í kvöld. Liðið var 1-0 undir þegar aðeins fjórar mínútur voru eftir af venjulegum leiktíma.

Topplið La Liga, spænsku úrvalsdeildarinnar, mættust á Mestalla-vellinum í kvöld. Fyrri hálfleikur var markalaus en það voru heimamenn í Valencia sem komust yfir um miðbik síðari hálfleiks. Hugo Duro var þá fyrstur að átta sig er boltinn var laus innan vítateigs og kom knettinum yfir línuna.

Staðan var 1-0 Valencia í vil allt fram á 86. mínútu leiksins. Karim Benzema gaf þá á Vinícius Jr. sem skaut að marki. Boltinn hafði viðkomu í varnarmanni áður en hann söng í netinu. Gestirnir komust yfir þremur mínútum síðar þegar Vinícius gaf fyrir markið og Benzema skallaði knöttinn í netið.

Staðan orðin 2-1 og reyndust það lokatölur leiksins.

Real er á toppi deildarinnar með fjóra sigra og eitt jafntefli í fyrstu fimm umferðum deildarinnar. Valencia er í 3. sæti en þetta var fyrsta tap þeirra á leiktíðinni.

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.