„Partíplata með samviskubiti“ Vésteinn Örn Pétursson skrifar 27. ágúst 2021 07:00 Saman mynda þeir Ármann (t.v.) og Einar dúóið Kef LAVÍK. „Oggulítið dóp, eitthvað af kæruleysi, mikið af kynlífi, enn þá meira djamm og heil eilífð af straumum sársauka og hamingju að renna í eitt og sama fljót.“ Þannig lýsir Ármann Örn Friðriksson, annar helmingur tónlistartvíeykisins Kef LAVÍK, nýrri plötu sveitarinnar, sem ber heitið Eilífur snjór í augunum og kom út í dag. Ármann semur tónlist og texta sveitarinnar, en hinn helmingur sveitarinnar, Einar Birkir Bjarnason, hefur að mestu séð um sönginn. Ármann segir að platan gæti þó komið einhverjum aðdáendum sveitarinnar á óvart í þessu sambandi. „Það eru alveg „surprise“ í þessari plötu. Við tökum svolítinn acoustic kafla á tímapunkti. Svo er þetta fyrsta platan þar sem ég syng lead vocal í einu lagi,“ segir Ármann. Hann hefur áður látið hafa eftir sér að hann sé of feiminn til að syngja, en lítilleg breyting virðist hafa orðið þar á. „Ég er enn þá of feiminn til þess að syngja fyrir framan fólk. Vonandi einn daginn get ég það,“ segir Ármann, og kveðst þakklátur fyrir að hafa Einar vin sinn sér við hlið í þessum efnum. View this post on Instagram A post shared by kef LAVI K (@keflawikgang) Nokkurra mánaða stemning Eilífur snjór í augunum er sjötta plata sveitarinnar í fullri lengd. Ármann sækir iðulega innblástur í eigið líf en sveitin hefur vakið nokkra athygli fyrir textagerð sína, sem fjallar oftar en ekki á umbúðalausan hátt um áfengis- og fíkniefnaneyslu, kynlíf og allan tilfinningaskalann, frá djúpum dölum til algerrar alsælu. „Þetta verkefni snýst svolítið um fimm, sex mánuði í mínu lífi sem var býsna mikil stemning í,“ segir Ármann. Þá liggur beinast við að spyrja: Hvers konar stemning var það? „Það var stemning sem felur í sér gífurlega ofneyslu á áfengi og jafnvel kynlífi líka. Ég myndi segja að þetta sé partíplata.“ „Þetta er bara partíplata með samviskubiti.“ Þessi mynd prýðir plötuumslagið. Tveggja ára verkefni Platan hefur verið nokkuð lengi í smíðum, en um tvö ár eru frá því Ármann samdi fyrsta lagið á henni. Hann segir hana mun vandaðri en annað efni sem sveitin hefur gefið frá sér. „Hljóðheimurinn er mikið betri en áður. Fyrir alla sem hafa hlustað á okkur áður þá ætti þetta að vera smá nýr heimur, og fyrir þá sem hafa ekki hlustað á okkur áður þá ætti þetta að vera besti inngangspunkturinn í að hlusta.“ Ellefu lög eru á plötunni, en þrjú þeirra hafa þegar verið gefin út í formi smáskífa. Það eru lögin VICE CITY BABY, María (útsett fyrir þrjá) og Strobe. Í síðastnefnda laginu slæst rapparinn JóiPé með í för og syngur hluta lagsins. Fleiri gestir eru á þá á plötunni. Það eru þau Daniil, Big Hamka og Hafdís. Þegar blaðamaður náði tali af Ármanni var hann í óðaönn við að skipuleggja lítið útgáfupartí í tengslum við plötuna. Hann segir það stefnuna að halda almennilega tónleika við fyrsta hentugleika. „Það er mjög mikið planið. Við ætlum að reyna um leið og við getum, alveg sama hvaða samkomutakmarkanir eru, að ná því.“ Hér að neðan má heyra eitt laganna af plötunni. Það ber heitið Calliope (baðar brjóstin á sér), en söngkonan Hafdís leggur tvíeykinu lið í laginu. Klippa: Calliope (baðar brjóstin á sér) Menning Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið „Ég dreg mig í hlé og fer bara og stofna kaffihús“ Lífið Tróð upp í Norræna partýinu Lífið Fataherbergið seldi henni íbúðina strax Tíska og hönnun Fréttatía vikunnar: Lögreglan, körfubolti og frambjóðendur Lífið Gaman að geta grætt fólk á góðan hátt Lífið Gefi raunsanna mynd af stefnumótahremmingum trans kvenna Bíó og sjónvarp „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
Þannig lýsir Ármann Örn Friðriksson, annar helmingur tónlistartvíeykisins Kef LAVÍK, nýrri plötu sveitarinnar, sem ber heitið Eilífur snjór í augunum og kom út í dag. Ármann semur tónlist og texta sveitarinnar, en hinn helmingur sveitarinnar, Einar Birkir Bjarnason, hefur að mestu séð um sönginn. Ármann segir að platan gæti þó komið einhverjum aðdáendum sveitarinnar á óvart í þessu sambandi. „Það eru alveg „surprise“ í þessari plötu. Við tökum svolítinn acoustic kafla á tímapunkti. Svo er þetta fyrsta platan þar sem ég syng lead vocal í einu lagi,“ segir Ármann. Hann hefur áður látið hafa eftir sér að hann sé of feiminn til að syngja, en lítilleg breyting virðist hafa orðið þar á. „Ég er enn þá of feiminn til þess að syngja fyrir framan fólk. Vonandi einn daginn get ég það,“ segir Ármann, og kveðst þakklátur fyrir að hafa Einar vin sinn sér við hlið í þessum efnum. View this post on Instagram A post shared by kef LAVI K (@keflawikgang) Nokkurra mánaða stemning Eilífur snjór í augunum er sjötta plata sveitarinnar í fullri lengd. Ármann sækir iðulega innblástur í eigið líf en sveitin hefur vakið nokkra athygli fyrir textagerð sína, sem fjallar oftar en ekki á umbúðalausan hátt um áfengis- og fíkniefnaneyslu, kynlíf og allan tilfinningaskalann, frá djúpum dölum til algerrar alsælu. „Þetta verkefni snýst svolítið um fimm, sex mánuði í mínu lífi sem var býsna mikil stemning í,“ segir Ármann. Þá liggur beinast við að spyrja: Hvers konar stemning var það? „Það var stemning sem felur í sér gífurlega ofneyslu á áfengi og jafnvel kynlífi líka. Ég myndi segja að þetta sé partíplata.“ „Þetta er bara partíplata með samviskubiti.“ Þessi mynd prýðir plötuumslagið. Tveggja ára verkefni Platan hefur verið nokkuð lengi í smíðum, en um tvö ár eru frá því Ármann samdi fyrsta lagið á henni. Hann segir hana mun vandaðri en annað efni sem sveitin hefur gefið frá sér. „Hljóðheimurinn er mikið betri en áður. Fyrir alla sem hafa hlustað á okkur áður þá ætti þetta að vera smá nýr heimur, og fyrir þá sem hafa ekki hlustað á okkur áður þá ætti þetta að vera besti inngangspunkturinn í að hlusta.“ Ellefu lög eru á plötunni, en þrjú þeirra hafa þegar verið gefin út í formi smáskífa. Það eru lögin VICE CITY BABY, María (útsett fyrir þrjá) og Strobe. Í síðastnefnda laginu slæst rapparinn JóiPé með í för og syngur hluta lagsins. Fleiri gestir eru á þá á plötunni. Það eru þau Daniil, Big Hamka og Hafdís. Þegar blaðamaður náði tali af Ármanni var hann í óðaönn við að skipuleggja lítið útgáfupartí í tengslum við plötuna. Hann segir það stefnuna að halda almennilega tónleika við fyrsta hentugleika. „Það er mjög mikið planið. Við ætlum að reyna um leið og við getum, alveg sama hvaða samkomutakmarkanir eru, að ná því.“ Hér að neðan má heyra eitt laganna af plötunni. Það ber heitið Calliope (baðar brjóstin á sér), en söngkonan Hafdís leggur tvíeykinu lið í laginu. Klippa: Calliope (baðar brjóstin á sér)
Menning Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið „Ég dreg mig í hlé og fer bara og stofna kaffihús“ Lífið Tróð upp í Norræna partýinu Lífið Fataherbergið seldi henni íbúðina strax Tíska og hönnun Fréttatía vikunnar: Lögreglan, körfubolti og frambjóðendur Lífið Gaman að geta grætt fólk á góðan hátt Lífið Gefi raunsanna mynd af stefnumótahremmingum trans kvenna Bíó og sjónvarp „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira