Innlent

Þungavigtarfólk sækir um embætti skrifstofustjóra

Kolbeinn Tumi Daðason skrifar
Gylfi Arnbjörnsson, fyrrverandi forseti ASÍ, er á meðal umsækjenda.
Gylfi Arnbjörnsson, fyrrverandi forseti ASÍ, er á meðal umsækjenda. Vísir/Vilhelm

Forsætisráðuneytið hefur 22 umsóknir til skoðunar um embætti skrifstofustjóra á skrifstofu stefnumála í forsætisráðuneytinu. Umsóknarfrestur rann út þann 20. ágúst en einn umsækjandi dró umsókn sína til baka. Þetta kemur fram á vef Stjórnarráðsins.

Þriggja manna hæfnisnefnd skipuð af forsætisráðherra mun meta hæfni umsækjenda og skila greinargerð til ráðherra. Nefndin starfar samkvæmt reglum um ráðgefandi nefndir um embætti við Stjórnarráð Íslands. Forsætisráðherra skipar í embættið til fimm ára.

Fimmtán karlar og sjö konur sækja um starfið en lista yfir umsækjendur má sjá að neðan.

Nöfn umsækjenda:

  • Ari Matthíasson, deildarstjóri
  • Arnheiður Elísa Ingjaldsdóttir, staðgengill skrifstofustjóra
  • Atli Viðar Thorstensen, sviðsstjóri
  • Einar Hlöðver Sigurðsson, vöruþróunarstjóri
  • Gerður Guðrún Árnadóttir, sérfræðingur í ráðgjöf verðbréfa- og lífeyrisþjónustu
  • Guðbrandur Sigurðsson, framkvæmdastjóri
  • Gylfi Arnbjörnsson, hagfræðingur
  • Hermann Sæmundsson, skrifstofustjóri
  • Ingunn Sigríður Þorsteinsdóttir, rekstrarhagfræðingur
  • Jóhann Kristjánsson, ráðgjafi
  • Jóna Guðný Káradóttir, viðskiptafræðingur
  • Karl Garðarsson, framkvæmdastjóri
  • Lilja Dögg Jónsdóttir Donovan, sérfræðingur
  • Lína Björg Tryggvadóttir, verkefnastjóri
  • Pétur Berg Matthíasson, settur skrifstofustjóri
  • Reynir Jónsson, sérfræðingur og verkefnastjóri stefnumótunar
  • Rögnvaldur Guðmundsson, verkefnastjóri
  • Steinunn Halldórsdóttir, stjórnsýslufræðingur og verkefnastjóri
  • Þorsteinn Þorgeirsson, efnahagsráðgjafi
  • Þórlindur Kjartansson, sjálfstætt starfandi ráðgjafi
  • Þröstur Freyr Gylfason, sérfræðingur

Skrifstofa stefnumála vinnur í umboði forsætisráðherra að stefnumótun og framgangi stefnumála ríkisstjórnarinnar með því að vinna að samhæfingu mála innan Stjórnarráðsins og utan, auka yfirsýn og forystu forsætisráðuneytisins og tryggja vandaðan undirbúning mála fyrir ráðherra og ríkisstjórn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×