Áttatíu tilkynningar um breyttan tíðahring kvenna eftir bólusetninga

Nadine Guðrún Yaghi skrifar 24. júní 2021 11:48

Fjörutíu og ein tilkynning hefur borist í kjölfar bólusetningar með Pfizer. Vísir/VILHELM

Sjötíu og átta tilkynningar sem snúa að tíðahring kvenna í kjölfar bólusetninga hafa borist Lyfjastofnun.

Um er að ræða tilkynningar í kjölfar bólusetninga með öllum fjórum bóluefnunum. Tilkynningarnar snúa að óreglulegum tíðablæðingum, milliblæðingum, seinkun blæðinga, blettablæðingum, breytingum á tíðablæðingum eða blæðingum eftir breytingaskeið.

Þetta kemur fram í svari Lyfjastofnunar við fyrirspurn fréttastofu. Þar segir að fjörutíu og ein tilkynning hafi borist í kjölfar bólusetningar með Pfizer, ellefu eftir Janssen, níu eftir AstraZeneca og sautján eftir Moderna.

Tekið er fram í svari Lyfjastofnunar að þegar tilkynningar berist stofnuninni sé ekki vitað hvort um orsakasamhengi milli bólusetningar og tilkynntra tilvika sé að ræða.

Faraldur kórónuveiru (COVID-19) Kvenheilsa

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.