Enski boltinn

Reynir að lokka Conte með Kane

Anton Ingi Leifsson skrifar
Conte varð Ítalíumeistari með Inter á dögunum en hætti svo skömmu síðar.
Conte varð Ítalíumeistari með Inter á dögunum en hætti svo skömmu síðar. Claudio Villa/Getty

Daniel Levy, stjórnarformaður Tottenham, reynir að lokka Antonio Conte til félagsins og hann reynir allt til þess að fá Ítalann til Englands.

Tottenham er þjálfaralaust að Jose Mourinho var rekinn frá félaginu um miðjan apríl. Ryan Mason stýrði liðinu tímabundið út síðustu leiktíð en hann verður ekki áfram.

Antonio Conte hætti sem stjóri Inter eftir að hafa gert liðið að Ítalíumeisturum í síðasta mánuði og talið er að hann sé efstur á óskalista Daniel Levy.

Levy er sagður hafa gengið svo langt að hafa lofað Conte að Harry Kane verði áfram hjá félaginu en Kane er sagður ólmur vilja komast frá uppeldisfélaginu.

Hann er sagður hafa greint forráðamönnum Tottenham frá því í síðasta mánuði að hann hugðist yfirgefa félagið í sumar en nú reynir Levy að freista Conte með Kane.

Matt Law, blaðamaður Daily Telegraph, greinir frá þessu en Conte er sagður vilja koma til Englands á ný eftir að hafa gert Chelsea að Englandsmeisturum.

Hann er einnig sagður mikill stuðningsmaður Kane og er hann sagður draumaframherji Conte.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.