Innlent

Segir óboðlegt að kínversk stjórnvöld refsi Íslendingi fyrir að nýta málfrelsið

Margrét Helga Erlingsdóttir skrifar
Utanríkisráðherra segir framgöngu kinverskra stórnvalda gagnvart íslenskum ríkisborgara vera óviðunandi og hefur komið mótmælum á framfæri við kínversk stjórnvöld bæði í kínverska ráðuneytinu í Reykjavík og í Peking.
Utanríkisráðherra segir framgöngu kinverskra stórnvalda gagnvart íslenskum ríkisborgara vera óviðunandi og hefur komið mótmælum á framfæri við kínversk stjórnvöld bæði í kínverska ráðuneytinu í Reykjavík og í Peking. Vísir/Vilhelm

Lögmaðurinn Jónas Haraldsson er kominn á svartan lista í Kína. Hann má ekki ferðast til landsins og þá hafa mögulegar eignir hans þar verið frystar.

Ástæðan er sögð vera greinaskrif Jónasar sem hafa birst í Morgunblaðinu, þar sem hann hefur meðal annars gagnrýnt ástand fasteignar í eigu kínverska sendiráðsins og viðbrögð Kínverja við kórónuveirufaraldrinum. Guðlaugur Þór Þórðarson, utanríkisráðherra, segir útspil kínverskra stjórnvalda; að refsa fólki fyrir að nýta málfrelsi í löndum þar sem málfrelsi sannarlega ríkir, vera óboðlegt.

„Ég held að kurteisa orðið sé að þetta sé algjörlega óviðunandi að beita íslenskan ríkisborgara þessu fyrir það eitt að nýta málfrelsi sitt. Það er auðvitað ekki boðlegt. Við komum þeim skilaboðum strax mjög skýrt á framfæri við kínversk stjórnvöld bæði í Peking og hér í Reykjavík“

Sjá einnig : Íslendingur settur á svartan lista í Kína fyrir gagnrýnin skrif

Guðlaugur hefur komið mótmælum á framfæri við kínversk stjórnvöld, bæði í Peking og í Reykjavík.Vísir/Vilhelm

Þrátt fyrir að íslensk stjórnvöld hafi hreyft við andmælum sýnist Guðlaugi sem svo að þau verði ekki til þess að telja kínverskum stjórnvöldum hughvarf.

„Og það er miður því ég ítreka það, og það er aðalatriði málsins, að hér er um að ræða einstakling sem er bara að nýta málfrelsi sitt og á Íslandi ríkir málfrelsi. Þannig er það og þannig mun það verða. Það er auðvitað ekki góð tilfinning þegar við fáum skilaboð sem þessi.

Í síðasta mánuði samþykkti Ísland að taka þátt í samstillum aðgerðum annarra vestrænna ríkja á borð við Bandaríkin, Bretland, Kanada, Noreg og aðildarríki Evrópusambandsins sem mun felast í því að innleiða þvingunaraðgerðir gegn kínverskum lögaðilum og einstaklingum.

Sjá einnig: ESB beitir refsiaðgerðum vegna Úígúra og valdaránsins í Búrma

„Það er vegna mannréttindabrota gegn Úígúrum í XinJiang héraði í Kína sem eru mjög alvarleg. Þau eru brot á þeim alþjóðasáttmálum sem Kína hefur undirgengst og þeir hafa svarað þessum aðgerðum í löndunum í kringum okkur. 

Mér hefur sýnst þeir hafa svarað þessu með aðgerðum sambærilegum þeim sem íslenski ríkisborgarinn varð fyrir og þá gagnvart þingmönnum, fræðimönnum, mannréttindasamtökum og öðru slíku en það breytir engu. Málið er alveg jafn alvarlegt fyrir það. Eftir því sem ég best veit hafa þeir verið beittir þvingunum sem hafa fyrst og fremst gert það sama; þeir notuðu málfrelsi sitt í löndum þar sem málfrelsi ríkir.“

Sjá einnig: Börn Úígúra tekin af fjölskyldumeðlimum og flutt í búðir fyrir munaðarleysingja

Guðlaugur segir að gildi á borð við mannréttindi og málfrelsi eigi í vaxandi mæli undir högg að sækja.

„Það sem við gleymum oft er að við erum í minnihluta jarðarbúa sem búum við málfrelsi, mannréttindi, lýðræði, réttarríki. Ég held að menn hafi fengið það á tilfinninguna að þessari baráttu væri lokið þegar Sovétríkin hrundu og múrarnir voru felldir og voru skrifaðar lærðar greinar um það. Það hefur ekki raungerst, þvert á móti eiga þessi gildi, sem okkur hefur þótt sjálfsögð, undir högg að sækja. 

Það er ein af ástæðunum fyrir því að ég hef beitt mér eins og ég hef gert í mannréttindamálunum á alþjóðavettvangi til að láta þá rödd heyrast því okkur ber skylda til að gera hvað við getum til að þessi gildi, sem okkur finnst sjálfsögð, verði sem víðast í heiminum því það er ekki sjálfgefið og það er tiltölulega nýtt í mannkynssögunni þegar allt er tekið. 

Því miður eiga þessi gildi undir högg að sækja og það eru mjög slæmar fréttir, ekki bara fyrir það fólk sem býr við þessi sjálfsögðu réttindi heldur ekki síst fyrir það fólk sem er ekki svo lánsamt að njóta réttinda sem okkur finnst vera fullkomlega sjálfsögð.“


Tengdar fréttir

Svartur listi rauða drekans

Íslenskur lögfræðingur hefur nú verið settur á svartan lista hjá stjórnvöldum í Kína og í kjölfarið fær maðurinn, Jónas Haraldsson ekki að stíga fæti á kínverska grundu og verðum öllum þeim fjármunum (sem hann er eflaust með) í Kína einnig fryst.

Úígúrar í Tyrklandi óttast að verða framseldir fyrir bóluefni

Yfirvöld í Tyrklandi hafa handtekið tuga Úígúra sem hafa flúið frá Kína til Tyrklands. Um það bil fimmtíu eru í haldi yfirvalda og í hættu á að verða framseldi. Úígúrar óttast að verða sendir aftur til Kína í skiptum fyrir bóluefni sem Tyrkir hafa keypt af Kínverjum en ekki fengið afhent.

Sakar Kín­verja um þjóðar­morð daginn fyrir stjórnar­skiptin

Mike Pompeo, fráfarandi utanríkisráðherra Bandaríkjanna, segir Kína hafa framið þjóðarmorð með aðgerðum sínum gegn Úígúrum og öðrum þjóðarbrotum múslima í Kína. Anthony Blinken, verðandi utanríkisráðherra, kveðst sammála þeirri staðhæfingu.

Kínverjar hafna orðum páfa um Úígúra

Kínverjar hafa hafnað ásökunum Frans páfa um að þeir fari illa með minnihlutahópinn Úígúra, sem búa í Xinjiang héraði í Kína.

Segja Úígúra útskrifaða úr fangabúðum

Yfirvöld Kína segja flesta Úígúra hafa „útskrifast“ úr fanga- og endurmenntunarbúðum í Xinjiang-héraði í Kína. Þar að auki verði framtíðar nemendum, eins og Shohrat Zakir, ríkisstjóri héraðsins, orðaði það, leyft að koma og fara að vild.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.