Veður

Léttskýjað í öllum landshlutum

Sunna Kristín Hilmarsdóttir skrifar
Það ætti að viðra vel til útiveru í dag á öllu landinu, þar á meðal á höfuðborgarsvæðinu.
Það ætti að viðra vel til útiveru í dag á öllu landinu, þar á meðal á höfuðborgarsvæðinu. Vísir/Vilhelm

Þrýstingur á landinu hefur hækkað nokkuð ört í nótt og er myndarleg hæð að byggjast upp yfir landinu að því er segir í hugleiðingum veðurfræðings á vef Veðurstofu Íslands.

„Líkt og gjarnan fylgir háum þrýsting þá mun loft flæða af miðhálendinu og niður í átt að sjávarmáli og því víðast hvar landátt, oft 3-10 m/s,“ segir í hugleiðingunum.

Það er svo spáð léttskýjuðu veðri í öllum landshlutum og þá ætti sólin að vera nægilega hátt á lofti til þess að veita nokkurn yl. Hiti yfir daginn verður væntanlega á bilinu tvö til sex stig. Það verður því fremur gott veður í dag.

Veðurhorfur á landinu:

Breytileg átt, 3-10 m/s, yfirleitt léttskýjað og hiti í kringum frostmark en 2 til 5 stig syðst. Gengur í suðvestan 8-13 norðan- og austanlands í kvöld en lægir suðvestantil.

Vestan og suðvestan 5-13 á morgun en 15-20 norðan- og norðvestanlands. Þykknar upp vestantil með súld eða lítilsháttar rigningu með köflum undir kvöld en bjartviðri um austanvert landið. Hiti 0 til 6 stig.

Á miðvikudag:

Vaxandi vestan- og suðvestanátt og hlýnar, 8-15 m/s og hiti 0 til 5 stig seinnipartinn. Léttskýjað en þykknar upp eftir hádegi vestanlands með lítilsháttar súld norðvestantil.

Á fimmtudag (skírdagur):

Vestan 5-13 m/s, skýjað og dálítil súld á Vestfjörðum og með norðurströndinni en annars þurrt. Hiti 2 til 8 stig yfir daginn.

Á föstudag (föstudagurinn langi):

Hvöss vestan- eða suðvestanátt og súld eða rigning á vesturhelming landsins en þurrt og bjart veður eystra. Hiti 5 til 10 stig. Kólnar og fer að snjóa norðvestantil um kvöldið.

Á laugardag:

Vestan 10-18 m/s en snýst í norðan 10-18 uppúr hádegi. Él en styttir upp sunnanlands er líður á daginn. Ört kólnandi veður, talsvert frost um kvöldið.

Á sunnudag (páskadagur):

Útlit fyrir norðan hvassviðri með snjókomu eða él norðan- og austanlands en bjart með köflum suðvestantil. Áfram talsvert frost.

Á mánudag (annar í páskum):

Minnkandi norðanátt og ofankoma, víða léttskýjað um kvöldið. Kalt í veðri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.