Bíó og sjónvarp

Húsavík tilnefnt til Óskarsins

Stefán Árni Pálsson skrifar
Rachel McAdams fer með aðalhlutverkið í kvikmyndinni ásamt Will Ferrell. 
Rachel McAdams fer með aðalhlutverkið í kvikmyndinni ásamt Will Ferrell.  Netflix

Nú fyrir stundu varð það ljóst að lagið Húsavík er tilnefnt til Óskarsverðlauna í flokknum besta frumsamda lagið í kvikmynd.

Lagið er úr kvikmyndinni Eurovision Song Contest: The Story of Fire Saga sem gerðist að stórum hluta í bænum Húsavík og fjallar um íslenska söngvara sem eiga sér þann draum heitastan að keppa í söngvakeppni evrópskra sjónvarpsstöðva.

Sungið af Molly Sandén

Savan Kotecha, Rickard Göransson og Fat Max Gsus eru höfundar lagsins en Savan var fenginn til að hafa yfirumsjón með lagasmíðum fyrir myndina. Atli Örvarsson samdi tónlist fyrir myndina en kom þó ekki að gerð lagsins Husavik.

Svíinn Molly Sandén syngur lagið fyrir persónu Rachel McAdams, sem heitir Sigrit Ericksdóttir. Spennandi verður að sjá hver syngur lagið á hátíðinni eins og tíðkast jafnan.

Óskarinn heim til Húsavíkur

Will Ferrell og Rachel McAdams fóru með aðalhlutverkin í kvikmyndinni en undanfarið hafa Húsvíkingar verið í eins konar herferð með laginu og vonast til að fá Óskarinn heim.

Óskarsverðlaunin verða veitt aðfaranótt mánudagsins 26. apríl næstkomandi.


Tengdar fréttir

Husavik rýkur upp vinsældalistana

Lagið er ástaróður til Húsavíkur og syngja Ferrell og Sandén meðal annars á íslensku: „Vera með þér, í Húsavík við Skjálfanda, í heimabærinn minn“.

Bakvið tjöldin við tökur á Eurovision-myndinni

Kvikmyndin Eurovision Song Contest: The Story of Fire Saga kom út í lok júní en í henni fara stórleikarnir Wil Ferrell, Rachel McAdams og Pierce Brosnan með aðalhlutverkin.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.