Enski boltinn

Mikið áfall fyrir Manchester City

Sindri Sverrisson skrifar
Kevin De Bruyne meiddist í leiknum við Aston Villa í vikunni.
Kevin De Bruyne meiddist í leiknum við Aston Villa í vikunni. Getty/Victoria Haydn

Manchester City þarf að spjara sig án síns besta leikmanns, Kevin De Bruyne, næsta mánuðinn að minnsta kosti.

De Bruyne meiddist í læri snemma í seinni hálfleik í sigrinum gegn Aston Villa á miðvikudagskvöld. Pep Guardiola, knattspyrnustjóri City, staðfesti á blaðamannafundi í dag að belgíski miðjumaðurinn, sem kjörinn var besti leikmaður ensku úrvalsdeildarinnar á síðustu leiktíð, yrði frá keppni næstu 4-6 vikurnar.

City leikur gegn Cheltenham í enska bikarnum á morgun og á svo fyrir höndum leiki við WBA, Sheffield United og Burnley áður en við taka stórleikir við Liverpool 7. febrúar, Tottenham 13. febrúar og Arsenal 21. febrúar. 

Hugsanlegt er að De Bruyne verði klár í slaginn gegn Arsenal, eða þá í Meistaradeildarleiknum við Borussia Mönchengladbach þremur dögum síðar. Hann ætti að minnsta kosti að vera kominn á ferðina þegar City mætir Manchester United 6. mars.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.