Íþróttamaðurinn Tim Tebow heldur áfram að feta nýjar slóðir og næst hjá honum er að spila hafnabolta fyrir landslið Filippseyja.
Hann mun spila sína fyrstu landsleiki fyrir þjóðina í undankeppni HM. Tebow er Bandaríkjamaður en fæddist á Filippseyjum og nýtir sér það núna. Foreldrar hans voru með trúboð þar í landi.
Grateful and excited to play for team Philippines in the @WBCbaseball... the country I was born in and somewhere that is near and dear to my heart!
— Tim Tebow (@TimTebow) February 26, 2020
Íþróttaferill Tebow er skrautlegur. Hann sló í gegn í NFL-deildinni með Denver Broncos en fékk svo aldrei nein alvöru tækifæri eftir það.
Þá færði hann sig yfir í hafnaboltann og samdi við New York Mets árið 2016. Hann hefur ekki enn náð að spila með aðalliði Mets en spilar fyrir lið félagsins í neðri deildunum.
