Alþjóðleg mótmæli vegna hvalveiða Íslendinga

Öll tuttugu og átta ríki Evrópusambandsins auk Bandaríkjanna, Ástralíu, Brasilíu, Ísrael, Mexíkó og Nýja Sjálands mótmæla hvalveiðum Íslendinga harðlega og afhentu ríkisstjórn Íslands undirritað erindi þess efnis í dag.

Þungum áhyggjum er lýst yfir ákvörðun stjórnvalda að halda hvalveiðum áfram og er milliríkjaviðskiptum Íslendinga með hrefnu og langreyði harðlega gagnrýnd. Tekið er fram að báðar tegundir séu á alþjóðlegum lista yfir villt dýr í útrýmingarhættu.

Gefinn hefur verið út kvóti á veiðum á allt að 770 langreyðum næstu fimm árin og skorað er á stjórnvöld að endurskoða þá ákvörðun sína. Í tilkynningu vegna málsins er lýst yfir sérstökum áhyggjum vegna veiða Íslendinga á 125 langreyðum árið 2009, 148 langreyðum árið 2010 og 134 árið 2013, sem sé veruleg aukning miðað við þá sjö langreyði sem veiddir voru öll tuttugu árin fyrir árið 2009.

Þá er þess krafist að íslensk stjórnvöld fylgi ráðleggingum Alþjóðahvalveiðiráðsins og hætti að veiða og versla með hval.