Hreimur hræðir Cole

Cheryl Cole vinnur nú að því að verða stjarna í Bandaríkjunum og er á góðri leið með að takast það. Hún verður dómari í bandarískri útgáfu X-Factor á næstunni, en óttast þó að breski hreimurinn skemmi fyrir henni. Hún vill fá þjálfun í að tala eins og Bandaríkjamaður.

„Cheryl var mjög ánægð með að fá að vera dómari í X-Factor, en er á sama tíma mjög hrædd,“ segir ónefndur heimildarmaður í samtali við fjölmiðla vestanhafs. „Hún óttast að ef Bandaríkjamenn elski hana ekki verði úti um feril hennar. Þess vegna ætlar hún að tala eins og innfædd.“