Annar bíllinn lenti á ljósastaur. Báðir bílar eru mikið skemmdir.Vísir/Vésteinn
Harður árekstur tveggja bíla varð á gatnamótum Suðurlandsbrautar og Kringlumýrarbrautar á tólfta tímanum í dag. Einn var fluttur slasaður á slysadeild, samkvæmt upplýsingum frá slökkviliðinu á höfuðborgarsvæðinu.
Myndir af slysstað sýna að annar bíllinn hafnaði uppi á umferðareyju og á ljósastaur. Að sögn varðstjóra hjá slökkviliðinu komu bílarnir úr gagnstæðri átt og skullu framan á hvor öðrum. Þrír sjúkrabílar og einn dælubíll voru sendir á staðinn.
Samkvæmt upplýsingum frá slökkviliði voru ökumenn einir í báðum bílunum. Ekki er vitað um líðan þess sem fluttur var á slysadeild. Báðir bílarnir skemmdust mikið í árekstrinum og voru dregnir burt af slysstað um hádegisbil.
Umferðartafir urðu á svæðinu vegna slyssins en vinnu var lokið á vettvangi fljótlega eftir hádegi.
Fréttin hefur verið uppfærð. Hér fyrir neðan má sjá myndband og myndir af vettvangi í dag.
Annar bíllinn fluttur af vettvangi um hádegisbil.Vísir/ArnarViðbragðsaðilar athafna sig á slysstað.Vísir/ArnarSjúkrabílar og dælubíll voru sendir á vettvang.Vísir/VésteinnFrá vettvangi á horni Suðurlandsbrautar og Kringlumýrarbrautar.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
