Fótbolti

Segja að einka­læknir Mara­dona gæti verið sekur um mann­dráp af gá­leysi

Runólfur Trausti Þórhallsson skrifar
Leopoldo Luque er nú undir grun um að hafa á einn eða annan hátt stuðlað að láti Diego Armando Maradona. 
Leopoldo Luque er nú undir grun um að hafa á einn eða annan hátt stuðlað að láti Diego Armando Maradona.  Marcos Brindicci/Getty Images

Argentíski fjölmiðillinn Clarín heldur því fram að læknir Diego Armando Maradona hafi stuðlað að láti Maradona á miðvikudaginn var. Segja þeir að læknirinn sé grunaður um manndráp af gáleysi.

Samkvæmt frétt Clarín – sem er eitt stærsta dagblað Argentínu – þá var gerð húsleit á heimili sem og skrifstofu Leopoldo Luque, einkalækni Maradona undanfarna mánuði.

Er verið að rannsaka hvort Luque hafi á einhvern hátt stuðlað að láti Maradona. Húsleit var gerð eftir að dætur Maradona vildu fá upplýsingar um hvaða lyf Luque skrifaði upp á fyrir föður þeirra undanfarna mániði.

Alls tóku 30 lögreglumenn þátt í húsleitinni og var sjúkraskýrsla Maradona meðal þess sem leitað var að.

Hinn goðsagnakenndi Maradona lést úr hjartaáfalli á miðvikudaginn var og hefur knattspyrnuheimurinn syrgt þennan magnaða leikmann síðan. Maradona gerði garðinn frægan með argentíska landsliðinu, spænska stórliðinu Barcelona sem og ítalska félaginu Napoli.

Líferni Maradona var skrautlegt og fór hann í aðgerð vegna heilablóðfalls í upphafi mánaðar. Hann var að jafna sig eftir aðgerðina er hann fékk heilablóðfall og lést.


Tengdar fréttir

Diego Maradona er látinn

Argentínski knattspyrnukappinn Diego Armando Maradona er látinn sextugur að aldri. Maradona lést af völdum hjartaáfalls. Þriggja daga þjóðarsorg hefur verið lýst yfir í Argentínu.

Krefst rannsóknar á láti Maradona

Matias Morla, lögmaður og vinur Diegos Maradona, lýsir þeirri heilbrigðisþjónustu sem Maradona naut sem glæpsamlegri vitleysu og krefst þess að lát hans verði rannsakað.

Agu­ero miður sín eftir and­lát Mara­dona

Sergio Aguero, framherji Man. City, er enn miður sín eftir andlát Diego Maradona fyrr í vikunni. Þetta staðfesti Pep Guardiola, stjóri liðsins, á blaðamannafundi fyrir leik helgarinnar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.