Veður

Létt­skýjað og allt að þrettán stiga frost

Atli Ísleifsson skrifar
Bjart og kalt í dag.
Bjart og kalt í dag. Veðurstofan

Hæðarhryggur gengur inn á landið í dag með hægri breytilegri átt og léttskýjuðu veðri. Spáð er norðan- og norðvestan átt, víða 5 til 10 metrum á sekúndum, skýjað með köflum og úrkomulítið austast á landinu fram á kvöld. 

Kalt verður í veðri, þar sem frost verður víðast á bilinu 2 til 13 stig og kaldast inn til landsins.

Þetta kemur fram í hugleiðingum veðurfræðings á vef Veðurstofunnar. Áfram er spáð hægum vindum og léttskýjuðu í fyrramálið.

„Vaxandi suðaustanátt síðdegis [á morgun] og þykknar upp sunnan og vestantil á landinu með úrkomu um kvöldið.“

Veðurhorfur á landinu næstu daga

Á fimmtudag: Hæg breytileg átt, víða léttskýjað og frost 3 til 13 stig, kaldast inn til landsins. Vaxandi suðaustanátt síðdegis og þykknar upp sunnan- og vestanlands, snjókoma eða slydda þar um kvöldið og rigning við stöndina.

Á föstudag: Fremur hæg suðlæg átt, skýjað og úrkomulítið, en þurrt norðanlands. Gengur í austan og norðaustan 8-15 m/s seinnipartinn með rigningu eða slyddu víða um land og snjókomu inn til landsins. Hiti 0 til 5 stig.

Á laugardag: Norðan og norðvestan 13-20 m/s, hvassast norðaustantil á landinu. Slydda eða snjókoma á norðurhelmingi landsins og rigning við ströndina. Skýjað og þurrt sunnanlands. Hiti kringum frostmark.

Á sunnudag: Fremur hæg breytileg átt og víða bjart veður, en lítilsháttar él við vesturströndina. Frost 0 til 8 stig, kaldast inn til landsins.

Á mánudag: Suðaustan og austanátt með rigningu eða slyddu og hita 0 til 5 stig. Þurrt norðantil á landinu með minnkandi frosti.

Á þriðjudag: Norðaustan átt og yfirleitt þurrt, en él norðaustan- og austanlands. Frost 0 til 5 stig.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.