Fótbolti

Gylfi: Einhverjir erfiðustu dagarnir á okkar ferli

Ingvi Þór Sæmundsson skrifar
Gylfi Þór Sigurðsson í leiknum í kvöld.
Gylfi Þór Sigurðsson í leiknum í kvöld. Getty/Lars Ronbog

„Þetta voru tveir mismunandi hálfleikir. Við vorum svolítið aftarlega í fyrri hálfleik og þeir voru mikið með boltann. En það breyttist í seinni hálfleik, það var meiri kraftur í okkur og við reyndum að pressa þá,“ sagði Gylfi Þór Sigurðsson eftir tap Íslands fyrir Danmörku, 2-1, á Parken í kvöld. Gylfi var fyrirliði Íslendinga í leiknum.

Viðar Örn Kjartansson jafnaði fyrir Ísland á 85. mínútu en Christian Eriksen skoraði sigurmark Danmerkur úr vítaspyrnu í uppbótartíma.

„Að jafna þegar stutt er eftir og fá svo mark á sig mark er svekkjandi,“ sagði Gylfi og bætti við að íslenska liðið hefði gert áherslubreytingar í hálfleik.

„Við gerðum eina skiptingu, Gulli [Guðlaugur Victor Pálsson] kom inn á og við reyndum að færa miðjumennina framar. Þeir fengu mikinn tíma í fyrri hálfleik og settu okkur í vandræði með hreyfingum í kringum miðjumennina. En við réðum betur við það í seinni hálfleik og þetta var örugglega mikið skemmtilegri leikur á að horfa,“ sagði Gylfi.

Aðeins þrír dagar eru síðan Ísland tapaði fyrir Ungverjalandi á sárgrætilegan hátt í umspili um sæti á EM.

„Þetta hefur verið mjög erfitt og örugglega einhverjir erfiðustu dagarnir á okkar ferli. Við höfum upplifað mjög góða tíma síðustu ár og erum kannski of góðu vön. En það er ekki hægt að neita því að þetta var mjög erfitt. En kannski var gott að fá leik strax, ekki gleyma þessu heldur að halda áfram og líta á næstu keppni,“ sagði Gylfi sem staðfesti að hann færi til Englands á morgun.

Hann lék allan leikinn í kvöld og gegn Ungverjalandi en fær frí í leiknum gegn Englandi á Wembley á miðvikudaginn.


Tengdar fréttir

Hamrén: Viðar hlustaði á mig

Svíinn kvaðst stoltur af íslenska landsliðinu þrátt fyrir tapið fyrir því danska á Parken í kvöld.

Viðar Örn: Þeir refsa ef þú gerir ein mis­tök

Markaskorari Íslands var súr eftir tapið gegn Dönum en Viðar Örn Kjartansson var á því að Ísland hefði átt allavega stig skilið úr leik kvöldsins sem tapaðist 2-1.

Hann hoppar inn í mig og þetta er aldrei víti

„Fyrir mér er þetta aldrei víti,“ segir Ari Freyr Skúlason, landsliðsmaður í fótbolta, sem fékk dæmt á sig víti í 2-1 tapinu gegn Danmörku í Þjóðadeildinni í kvöld.

Sjáðu Viðar Örn jafna metin á Parken

Viðar Örn Kjartansson þurfti ekki langan tíma til að setja mark sitt á leik Íslands og Danmerkur á Parken. Það dugði þó ekki til að fá stig.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.