Varalið Barcelona eytt hærri fjárhæðum í leikmannakaup en Spánarmeistararnir

Arnar Geir Halldórsson skrifar 27. september 2020 09:01

Mörg spænsk knattspyrnulið hafa haldið að sér höndum á leikmannamarkaðnum í sumar en sérstaka athygli vekur að Spánarmeistarar Real Madrid hafa enn ekki keypt einn einasta leikmann.

B-lið Barcelona hefur eytt hærri fjárhæðum í leikmannakaup heldur en 13 félög í La Liga en aðeins aðallið Barcelona, Atletico Madrid, Sevilla, Villarreal, Getafe og Granada hafa eytt meiri pening í leikmannakaup en Barcelona B sem leikur í spænsku C-deildinni, Segunda B, í ár.

[Marca] | Only six clubs in the Spanish top flight have spent more than Barcelona B this summer: Barcelona (103 million euros), Atletico Madrid (90m euros), Sevilla (53.5m euros), Villarreal (32.9m euros), Getafe (19m euros) and Granada (13.5m euros). pic.twitter.com/EuToVdndxf
— La Masia Times (@LaMasiaTimes) September 25, 2020

Hefur Barcelona pungað út 12,5 milljónum evra í varalið sitt á meðan Real Madrid, Valencia, Real Betis, Athletic Bilbao og Real Sociedad hafa engu eytt í leikmannakaup til þessa þó félögin hafi styrkt sig með leikmönnum sem voru samningslausir samanber David Silva til Sociedad.

Matheus Pereira, Gustavo Maia og Moussa Ndiaye eru leikmennirnir sem hafa verið keyptir í varalið Barcelona.

Spænski boltinn

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.