Enski boltinn

United ætlar ekki að fá miðvörð

Ingvi Þór Sæmundsson skrifar
Victor Lindelöf réði lítið við Wilfried Zaha í leik Manchester United og Crystal Palace í fyrradag.
Victor Lindelöf réði lítið við Wilfried Zaha í leik Manchester United og Crystal Palace í fyrradag. getty/Matthew Ashton

Þrátt fyrir að vörn Manchester United hafi ekki litið vel út í 1-3 tapinu fyrir Crystal Palace í ensku úrvalsdeildinni á laugardaginn ætlar félagið ekki að fjárfesta í miðverði.

Victor Lindelöf og Harry Maguire áttu í miklum vandræðum með spræka og snögga sóknarmenn Palace í leiknum á Old Trafford á laugardaginn.

Það breytir þó ekki fyrirætlunum United á félagaskiptamarkaðnum. Samkvæmt The Athletic er það enn í forgangi að fá miðjumann og hægri kantmann áður en félagaskiptaglugganum verður lokað 5. október. Þá gæti United keypt vinstri bakvörð.

United hefur verið sterklega verið orðað við Jadon Sancho, enska landsliðsmanninn hjá Borussia Dortmund, í marga mánuði en enn hefur ekkert þokast í þeim efnum.

Eini leikmaðurinn sem United hefur keypt eftir að síðasta tímabili lauk er Donny van de Beek. United greiddi Ajax 35 milljónir punda fyrir hollenska landsliðsmanninn sem skoraði í leiknum gegn Palace á laugardaginn. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.