Íslenski boltinn

Vestramenn sigruðu Leikni og eru svo gott sem sloppnir við fall

Ísak Hallmundarson skrifar
Vestramenn eru búnir að gera það gott sem nýliðar í næstefstu deild.
Vestramenn eru búnir að gera það gott sem nýliðar í næstefstu deild. mynd/vestri.is

Vestri vann Leikni F. í Lengjudeild karla á Ísafirði í dag. Lokatölur 2-0 fyrir Vestfirðingum.

Nacho Gil kom heimamönnum yfir strax á 10. mínútu leiksins eftir sendingu frá Vladimir Tufegdzic. Staðan 1-0 í hálfleik.

Viktor Júlíusson skoraði síðan annað mark Vestra með góðum skalla eftir hornspyrnu frá Gunnari Jónasi Haukssyni. Fleiri mörk voru ekki skoruð og lokatölur 2-0.

Vestri er eftir leikinn með 26 stig í 6. sæti á meðan Leiknir er í 11. sæti með 12 stig. Liðin eiga aðeins eftir að spila fimm leiki og því ansi ólíklegt að Fáskrúðsfirðingar nái Vestfirðingum að stigum. Það þýðir að Vestramenn eru nánast búnir að bjarga sér frá falli á sinni fyrstu leiktíð í næstefstu deild.

Lengjudeildin Leiknir Fáskrúðsfjörður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


Mest lesið


Velkomin á Vísi. Þessi vefur notar vafrakökur. Sjá nánar.