Adesanya og Zhang vörðu beltin sín
Það var risastórt bardagakvöld hjá UFC um nýliðna helgi. Þar var boðið upp á tvo titilbardaga sem voru eins ólíkir og hægt var.
Fyrri titilbardaginn var í strávigt kvenna þar sem kínverski meistarinn Weili Zhang mætti fyrrum meistaranum Joönnu Jedrzejczyk. Það var rosalegur fimm lotu bardagi.
WOW!!!
We are in awe of @MMAWeili and @JoannaMMA at #UFC248!! pic.twitter.com/WhJKdZ7dSY
— UFC Europe (@UFCEurope) March 8, 2020
Margir eru þegar á því að þetta hafi verið besti kvennabardagi allra tíma og einn besti bardagi sem hefur sést lengi. Báðar tóku þær við ótrúlega þungum og mörgum höggum án þess að verða rotaðar. Bardaginn fór alla leið þar sem Zhang vann á stigum.
Þá var komið að titilbardaganum þar sem hinn ósigraði meistari, Israel Adesanya, mætti hermanni Guðs, Yoel Romero. Ólíkt bardaganum á undan að þá gerðu þeir nánast ekki neitt og sá varla á þeim eftir fimm lotur. Adesanya vann þó á stigum.
"I was frustrated my dance partner didn't want to dance." - @Stylebender backstage at #UFC248 pic.twitter.com/ZaJw1qrIRz
— UFC Europe (@UFCEurope) March 8, 2020
Á meðal annarra úrslita má nefna að brasilíski kúrekinn, Alex Oliveira, hafði betur gegn Max Griffin og Neil Magny lagði Li Jingliang.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
