Innlent

Tekinn með kókaín inn­vortis og í fórum sínum

Atli Ísleifsson skrifar
Maðurinn sætir nú tilkynningaskyldu til 4. apríl næstkomandi, að því er fram kemur í tilkynningu lögreglu.
Maðurinn sætir nú tilkynningaskyldu til 4. apríl næstkomandi, að því er fram kemur í tilkynningu lögreglu. vísir/vilhelm

Lögregla á Suðurnesjum handtók fyrr í mánuðinum erlendan karlmann eftir að tollgæslan hafði stöðvað hann vegna gruns um að hann væri með fíkniefni meðferðis.

Í tilkynningu frá lögreglu segir að maðurinn hafi reynst vera með tvær kókaínpakkningar í fórum sínum og fjórar til viðbótar innvortis.

Við skýrslutöku hafi hann sagst hafa gripið til þess ráðs að smygla eiturlyfjum til Íslands í þeim tilgangi að geta greitt skuld við ónafngreinda menn erlendis. Sagðist maðurinn hafa staðið einn að tilrauninni til smygls og hefði ætlað að koma þeim í verð hér á landi.

Maðurinn sætir nú tilkynningaskyldu til 4. apríl næstkomandi, að því er fram kemur í tilkynningu lögreglu.

Staðinn að búðarhnupli

Einnig segir frá því að karlmaður hafi verið færður til skýrslutöku á lögreglustöð eftir að hafa verið staðinn að því að stela vörum úr verslun í Njarðvík í vikunni. Maðurinn hafði stungið inn á sig kremi, tannkremi og sjampói.

„Starfsmenn verslunarinnar stóðu hann að hnuplinu og voru með hann inni á verslunarstjóraskrifstofu þegar lögreglumenn á Suðurnesjum mættu á vettvang. Maðurinn var færður til skýrslutöku á lögreglustöð,“ segir í tilkynningunni.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.