Bíó og sjónvarp

Sigurjón með mynd um Bitcoin-málið í bígerð

Tryggvi Páll Tryggvason skrifar
Sindri Stefánsson flúði land vegna málsins en sneri að lokum aftur eftir að hafa verið handtekinn í Amsterdam.
Sindri Stefánsson flúði land vegna málsins en sneri að lokum aftur eftir að hafa verið handtekinn í Amsterdam. Mynd/Lögreglan á Suðurnesjum

Sigurjón Sighvatsson, kvikmyndaframleiðandi í Hollywood, undirbýr nú gerð heimildarmyndar um Bitcoin-málið svokallaða sem vakti heimsathygli árið 2018. Búist er við að tökur hefjist í apríl, meðal annars á Íslandi.



Í frétt Screen Daily um málið segir að heimildarmyndin muni aðallega snúast um Sindra Stefánsson og tvö aðra ónafngreinda Íslendinga sem sakfelldir voru fyrir aðild sína að stórfelldum þjófnaði á tölvubúnaði. Alls voru sjö sakfelldir fyrir aðild sína að málinu. Sindra hlaut þyngsta dóminn, fjögurra og hálfs árs fangelsi.



Bitcoin-málið vakti heimsathygli og vakti strok Sinda ekki síst mikla athygli. Ítarlega var fjallað um málið í fjölmiðlum hér á landi, sem og erlendis. Varðaði það stórfelldan þjófnað á tölvubúnaði úr þremur gagnaverum, tveimur í Reykjanesbæ og einu í Borgarnesi í desember 2017 og janúar 2018. Tölvurnar voru notaðar til að grafa eftir rafmyntinni Bitcoin og hefur búnaðurinn enn ekki fundist.

Þremenningarnir sagðir eiga að endurleika lykilatriði

Í frétt Screen Daily segir að markmiðið sé að fá þremenninganna til þess að endurleika lykilatriði í atburðarrásinni. Palomar Pictures, framleiðslufyrirtæki Sigurjóns framleiðir myndina ásamt Stöð 2, að því er fram kemur á Screen Daily. Reiknað er með að tökur hefjist í apríl og eiga þær að fara fram á Íslandi, á Spáni og í Bandaríkjunum.



Sem fyrr segir vakti málið mikla athygli og hafa vinsæl bandarísk tímarit á borð við GQ og Vanity Fair birt ítarlegar greinar þar sem farið var yfir málið frá A-Ö.



Í viðtali vegna umfjöllunar Vanity Fair, sem kom út í nóvember síðastliðinn, kom meðal annars að maðurinn sem skipulagði þjófnaðinn sé alþjóðlegur huldumaður. Þá var þeim möguleika velt upp að tölvubúnaðurinn væri enn í gangi, að grafa upp Bitcoin, fyrir hinn alþjóðlega höfuðpaur.



„Kannski hafa tölvurnar verið í gangi allan tímann,“ sagði Sindri í viðtali við Vanity Fair. „Kannski veit ég hvar þær eru og kannski ekki.“



Vísir er í eigu Sýnar hf sem einnig á Stöð 2.

Tengd skjöl


Tengdar fréttir

GQ fjallar ítarlega um Bitcoin-málið: „Ég vildi bara gefa þeim fingurinn“

Ítarlega umfjöllun um Bitcoin-málið svokallaða, einn stærsta þjófnað Íslandssögunnar, má finna í apríl-tölublaði bresku útgáfu tísku- og lífstíls tímaritsins GQ. Þar er meðal annars rætt við Sindra Þór Stefánsson, sem flúði fangelsi til Svíþjóðar er málið var til rannsóknar lögreglu.

Sindri um týndu Bitcoin-tölvurnar: „Kannski veit ég hvar þær eru og kannski ekki“

Maðurinn sem skipulagði þjófnað á tölvubúnaði sem stolið var í Bitcoin-málinu er sagður vera alþjóðlegur, dularfullur og hættulegur í umfjöllun Vanity Fair um málið. Rætt er við Sindra Þór Stefánsson, einn af þeim sem dæmdur var í fangelsi vegna málsins, sem segist kannski vita og kannski ekki vita hvað orðið hafi um búnaðinn ófundna sem stolið var.

Sindri og Matthías áfrýja

Sindri Þór og Matthías Jón, sem hlutu þyngstu dómana í Bitcoin-málinu, áfrýja dómnum til Landsréttar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.