Tónlist

Trommari Rush látinn

Andri Eysteinsson skrifar
Peart lemur húðirnar árið 2012.
Peart lemur húðirnar árið 2012. Getty/Mike Lawrie

Kanadíski trommarinn Neil Ellwood Peart lést á dögunum á heimili sínu í Santa Monica í Bandaríkjunum, 67 ára að aldri. Peart gerði garðinn frægan sem trommari og textahöfundur hljómsveitarinnar Rush en hana skipuðu, auk Peart, Alex Lifeson og Geddy Lee.

Opinber Twitteraðgangur sveitarinnar greindi aðdáendum frá andláti Peart í gær. Sagði þar að „sálarbróðir“ þeirra Lifeson og Lee hafi glímt við krabbamein í heila undanfarin þrjú og hálft ár.

Peart gekk til liðs við Rush árið 1974 og lék með þeim til ársins 2015 þegar hann ákvað að draga sig í hlé. Þá hafði sveitin þegar verið tekin inn í frægðarhöll rokksins árið 2013 en Peart sjálfur var tekinn inn í frægðarhöll trommara árið 1983 og er hann sá yngsti til að hljóta þar inngöngu.

Peart var giftur ljósmyndaranum Carrie Nuttall og eiga þau eina dóttur, Oliviu Peart sem fædd er árið 2009.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.