Tapaði einungis ellefu prósent af leikjunum sem hann stýrði en var samt rekinn
Ernesto Valverde var í gær rekinn sem þjálfari Barcelona en þetta hafði legið í loftinu síðustu daga.
Barcelona tapaði 3-2 fyrir Atletico Madrid í undanúrslitum spænska Ofurbikarsins í síðustu viku og þar var kornið sem fyllti mælinn.
Gífurleg pressa hefur verið á Valverde síðan liðið kastaði frá sér 3-0 forystu gegn í útsláttarkeppni Meistaradeildarinnar á síðustu leiktíð.
Liðið er einnig ekki sagt spila nægilega flottan fótbolta og saknaði fólk að sjá „Barca-fótboltann“.
Þegar litið er á tölfræðina hjá Valverde má segja að hún sé nokkuð góð. Hann stýrði liðinu í 145 leikjum og tapaði einungis 16, eða ellefu prósent af leikjunum.
The Barca job is tough. pic.twitter.com/F7gl7MsXm4
— B/R Football (@brfootball) January 13, 2020
„Starfið hjá Barcelona er erfitt,“ segir Twitter-síðan B/R Football og það má taka undir það.
Við starfi hans tekur Quique Setién. Hann skrifaði undir tveggja og hálfs árs samning við Barcelona.
Tengdar fréttir
Segir að nú muni Barcelona spila aftur „Barca fótbolta“
Barcelona skipti um þjálfara í gær, rak Ernesto Valverde og réði í staðinn hinn 61 árs gamla Quique Setien.
Valverde rekinn frá Barcelona og Setién tekur við
Barcelona hefur skipt um knattspyrnustjóra.
Segja Xavi hafa hafnað Barcelona og nú vilji þeir Pochettino
Ernesto Valverde, stjóri Barcelona, er undir gífurlegri pressu og ekki er ólíklegt að hann verði rekinn á næstu dögum.
