Innlent

Bein útsending: Blaða­manna­fundur vegna landa­mæra­skimana

Sylvía Hall skrifar
Blaðamannafundurinn fer fram í Safnahúsinu.
Blaðamannafundurinn fer fram í Safnahúsinu. Vísir/Vilhelm

Uppfært: Fundurinn hefst klukkan 14:15. 

Ríkisstjórnin hefur boðað til blaðamannafundar klukkan 14:15 í dag í Safnahúsinu við Hverfisgötu. Meginefni fundarins er skimun á landamærum og næstu skref hennar. Fundurinn verður í beinni útsendingu hér á Vísi og þá verður einnig textalýsing hér að neðan.

Katrín Jakobsdóttir forsætisráðherra, Víðir Reynisson yfirlögregluþjónn, Alma Möller landlæknir og Þórólfur Guðnason sóttvarnalæknir fara yfir stöðu mála á fundinum.

Í minnisblaði Þórólfs til ráðherra í vikunni lagði hann fram níu möguleika þegar kæmi að aðgerðum á landamærunum. Hann segir engan þeirra gallalausan en suma þó betri en aðra. 

Átta greindust á landamærunum og bíða þeir allir niðurstöðu úr mótefnamælingu samkvæmt nýjustu tölum. Alls hafa 45 greinst með virkt smit á landamærunum frá því að skimanir hófust þann 15. júní. 

Hér að neðan má fylgjast með útsendingu sem og beinni textalýsingu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira
×