Menning

Steinar Fjeldsted ráðinn til Músíktilrauna

Stefán Ó. Jónsson skrifar
Steinar Fjeldsted og Unnur Sesselía Ólafsdóttur, verkefnastjórar Músíktilrauna.
Steinar Fjeldsted og Unnur Sesselía Ólafsdóttur, verkefnastjórar Músíktilrauna. Músíktilraunir

Steinar Fjeldsted, ritstjóri Albumm.is og einn stofnmeðlima sveitarinnar Quarashi, hefur verið ráðinn verkefnastjóri Músíktilrauna. Þar mun hann starfa við hlið Unnar Sesselju Ólafsdóttur, deildarstjóra menningarmála hjá Hinu húsinu, en Hitt húsið heldur sem fyrr utan um tónlistarhátíðina.

Haft er eftir Steinari í tilkynningu frá Hinu húsinu að hann sé spenntur fyrir verkefninu. „Ég er að sjálfsögðu búinn að fylgjast lengi með Músíktilraunum og finnst frábært að vera kominn þar inn. Þetta er svo frábær stökkpallur fyrir ungt og efnilegt tónlistarfólk og það er eitthvað sem Ísland á nóg af,“ segir Steinar.

Undankvöld Músíktilrauna í ár fara fram í Norðurljósasal Hörpu dagana 21. til 24 mars og fer úrslitakvöldið sjálft fram 28 mars. Fyrstu Músíktilraunirnar fóru fram árið 1982 og hefur keppnin skotið mörgum hljómsveitum upp á stjörnuhimininn; eins og Of Monsters and Men, Dúkkulísunum, Greifunum, Agent Fresco, Maus, Mínus, Vök, XXX Rottweiler og Botnleðju.

Hér að neðan má sjá sigurvegara síðustu Músíktilrauna, Blóðmör, koma fram á X-mas tónleikunum í desember síðastliðnum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.