Íslenski boltinn

FH gæti mætt Totten­ham í for­keppni Evrópu­deildarinnar

Anton Ingi Leifsson skrifar
FH fagnar marki fyrr á leiktíðinni.
FH fagnar marki fyrr á leiktíðinni. vísir/bára

Fari svo að FH komist í gegnum fyrstu umferð forkeppni Evrópudeildarinnar gæti félagið mætt enska stórliðinu Tottenham í 2. umferðinni.

Dale Johnson, sem er ritstjóri hjá ESPN, greinir frá því á Twitter-síðu sinni í kvöld hvaða mótherjum Tottenham gæti mætt.

FH ku vera eitt þeirra en til þess þarf FH að komast í gegnum fyrstu umferðina.

Fyrsta umferðin fer fram síðar í mánuðinum og það eru væntanlega margir sem munu bíða í ofvæni eftir drættinum í fyrstu tvær umferðirnar.

FH-liðið er með mikla reynslu í Evrópukeppni en þó er breyting á Evrópukeppninni þetta árið.

Einungis einn leikur fer fram í fyrstu umferðum undankeppninnar í stað tveggja og því fá liðin annað hvort heimaleik eða útileik. Það gæti, eðlilega, skipt sköpum.

Jose Mourinho og Eiður Smári Guðjohnsen myndu því hittast á nýjan leik en Jose þjálfaði Eið hjá Chelsea eins og kunnugt er, með frábærum árangri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.