Kef LAVÍK heim eftir 3 mánuði í burtu

Hallgerður Kolbrún E. Jónsdóttir skrifar 22. maí 2020 20:09

Hljómsveitin kef LAVÍK gaf í dag út sína sjöttu smáskífu, Heim eftir 3 mánuði í burtu. Vísir/Hlynur Helgi

Hljómsveitin kef LAVÍK gaf í dag út fjögurra laga EP plötu sem ber titilinn Heim eftir 3 mánuði í burtu. Þetta er fyrsta útgáfan frá kef LAVÍK sem kemur út á vegum Öldu Music.

Hljómsveitin byrjaði sem grín hjá tveimur æskuvinum frá Höfn í Hornafirði. Sveitin hefur frá árinu 2015 gefið út fimm plötur í fullri lengd og sex smáskífur en hún hefur átt hóp tryggra aðdáenda en hefur undanfarin misseri orðið vinsælli meðal breiðari hóps fólks.

Það er gestkvæmt á plötunni og kemur Steindi Jr. meðal annars fram á öllum lögunum ásamt því að JóiPé þenur sinn alkunna baritón barka. JóiPé sá einnig um að hanna umslagið ásamt Axeli Magnúsi Kristjánssyni. Þá sá Magnús Jóhann um píanóleik og Þorkell spilar á gítar.

Tónlist

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.