Fótbolti

Kicker segir 13 þýsk félög á barmi gjaldþrots

Sindri Sverrisson skrifar
Myndin tengist fréttinni óbeint, en ekki hefur verið gefið upp hvaða félög ramba á barmi gjaldþrots. Hér eru Amine Harit og Weston McKennie, leikmenn Schalke, á æfingu á fimmtudag en leikmenn fá að æfa tveir og tveir saman ef þeir virða fjarlægðarmörk.
Myndin tengist fréttinni óbeint, en ekki hefur verið gefið upp hvaða félög ramba á barmi gjaldþrots. Hér eru Amine Harit og Weston McKennie, leikmenn Schalke, á æfingu á fimmtudag en leikmenn fá að æfa tveir og tveir saman ef þeir virða fjarlægðarmörk. VÍSIR/EPA

Fjárhagslegar afleiðingar kórónuveirunnar eru miklar fyrir íþróttafélög um allan heim. Þýska blaðið Kicker segir að 13 af 36 bestu knattspyrnufélögum Þýskalands rambi á barmi gjaldþrots.

Keppni í þýska fótboltanum var frestað um óákveðinn tíma um miðjan mars og tekjumissirinn af því að ekkert sé spilað er mikill fyrir þýsku félögin. Kicker segir að af 18 liðum í efstu deild séu fjögur á barmi gjaldþrots, og sömu sögu er að segja af helmingi félaganna 18 í 2. deild.

Samkvæmt Kicker er ljóst að mörg af félögunum í 2. deild munu ekki lifað lengur en til loka maí, nema að efnahagsástandið batni eða að þau fái styrki. Eitt félag í efstu deild er í sömu stöðu og þrjú gætu lifað fram á sumar en ekki lengur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.