Hátt gengi ástæða lokunar

Fiskvinnslufyrirtækið Suðurnes hefur hætt störfum, en uppsagnir 45 starfsmanna taka þó ekki gildi fyrr en sumarleyfum þeirra, sem voru að hefjast, er lokið. Starfsfólki þess var tilkynnt um það á fundi á miðvikudaginn. Að sögn Stefaníu Valgeirsdóttir, framkvæmdastjóra fyrirtækisins, var það fyrst og fremst hátt gengi sem olli lokuninni, þó einnig hafi verið um fortíðarvanda að etja. Hún sagðist vera að hjálpa starfsfólkinu að finna vinnu annars staðar og bjóst við að það gengi vel. Fyrirtækið var í eigu hollenskra aðila, en þeir sem til þekkja segja mjög lítið um það að erlendir aðilar eigi fiskvinnslur á Íslandi. Það sé þó þekkt að erlendir aðilar eigi hér vinnslur sem flaka fisk áður flogið sé með hann úr landi. Sömu aðilar og eiga Suðurnes tengdust áður rekstri Fisks 2000 sem starfaði á Blönduósi fyrir nokkrum árum.