Trjágeitungur heldur sínu striki

"Við höfum ekki ennþá orðið mikið vör við samdrátt í útköllum vegna geitungabúa," segir Ólafur Sigurðsson geitungabani. Ólafur segir álíka mikið af trjágeitungum og síðasta sumar. Hins vegar sé ljóst að stofn holugeitunga sé mun minni en síðustu ár. "Útköll vegna holugeitunga koma fyrst og fremst með haustinu," segir Ólafur. "Hins vegar er meira að gera við að fjarlægja holugeitungabú fyrri part sumars, þannig að við finnum ekki ennþá fyrir því að minna sé að gera." Holugeitungar byggja sér bú í jörðu og fóru illa síðasta sumar. Ólafur hefur þó fjarlægt nokkur holugeitungabú á háaloftum og inni í húsum sem virðast hafa sloppið meðan óhagstæðar aðstæður grönduðu búum í jörðinni. "Það er þó greinilegt að minna er um holugeitung en í venjulegu árferði," segir Ólafur. Ólafur kveðst ekki hafa verulegar áhyggjur af því að viðskiptin dali með haustinu vegna hruns holugeitungastofnsins. "Geitungabúin eru bara hluti okkar viðskipta, en nóg hefur verið að gera í öðru," segir Ólafur.