Maradona: Ég er enginn hommi

Blaðamannafundirnir með Maradona á HM eru hreint út sagt stórkostlegir enda talar landsliðsþjálfari Argentínu í fyrirsögnum. Á því varð engin breyting í dag.

Eftir leikinn gegn Suður-Kóreu í dag var farið inn á ýmsa hluti. Meðal annars hversu duglegur Maradona sé að kyssa leikmenn sína.

"Ég get sagt ykkur að ég er enn hrifinn af konum. Ég er á föstu með Veronicu. Hún er 31 árs og ljóshærð. Ég er enginn hommi. Ég vil samt hrósa leikmönnum og sýna þakklæti mitt í verki þegar þeir spila eins og vel og í dag," sagði Maradona en honum verður sjaldan orða vant.

Maradona hefur staðið í deilum við Pelé og Michel Platini. Hann sagði Platini vera hrokafullan og að Pelé ætti heima á safni.

"Ég fékk bréf frá Platini þar sem hann sagðist ekki hafa sagt þessa hluti um mig. Ég bið hann því afsökunar en ekki Pelé."