Telja snjómoksturinn ekki boðlegan

„Sýnilegt er að tækjakostur Vegagerðarinnar annar engan veginn því álagi og snjómagni sem nú er,“ segir bæjarstjórn Vesturbyggðar sem „lýsir áhyggjum vegna þess ástands sem upp er komið í snjómokstursmálum á sunnanverðum Vestfjörðum“.

Bæjarstjórnin skorar á Vegagerðina að bæta tækjakost og fyrirkomulag snjómokstursins. „Einbreið leið er milli Bíldudals og Patreksfjarðar sem og frá Patreksfirði yfir á Barðaströnd. Þá er ekki hægt að treysta á að búið sé að ryðja leiðina milli þéttbýlisstaðanna snemma að morgni sem er óboðlegt.“