Verka portúgalskan jólamat

Starfsmenn í saltfiskvinnslu Brims í Grenivík eru nú í óðaönn að undirbúa jólamatinn fyrir Portúgali. Þar starfa fjórtán manns við að verka jólasaltfiskinn en í Portúgal er saltaður þorskur jólamatur á fjölda heimila. Hann á þó lítið sameiginlegt við gulan og groddalegan saltfiskinn, þverskorinn með beinum og roði, sem lengst af var eini saltfiskurinn á boðstólum hér á landi. Hann er þvert á móti útvatnaður þar til hann verður drifhvítur og þá gjarnan steiktur í úrvals olíum og borinn fram með margvíslegu góðgæti.