United náði efsta sætinu þrátt fyrir jafntefli

Danska liðið Álaborg gerði sér lítið fyrir og nældi sér í stig í á Old Trafford í Meistaradeild Evrópu í kvöld. Þrátt fyrir það varð Manchester United í efsta sæti riðilsins.

Carlos Tevez kom United yfir snemma leiks en þeir dönsku skoruðu tvívegis undir lok fyrri hálfleiks og leiddu þar með í hálfleiknum, 2-1. Wayne Rooney jafnaði svo metin í síðari hálfleik og þar við sat.

United og Villarreal voru jöfn að stigum í efstu tveimur sætum E-riðils fyrir leiki kvöldsins en þar sem að Villarreal tapaði fyrir Celtic í kvöld, 2-0, varð United í efsta sætinu. Þar með getur United ekki dregist gegn öðrum sigurvegurum sinna riðla í 16-liða úrslitunum.

Arsenal dugði jafntefli gegn Porto á útivelli í kvöld til að tryggja sér efsta sæti G-riðils. Hins vegar vann Porto leikinn, 2-0, og skildi þar með Arsenal eftir í öðru sæti riðilsins.

Þá vann Bayern München 3-2 sigur á Lyon í Frakklandi og tryggði sér þar með efsta sæti F-riðils.

Juventus gerði aðeins markalaust jafntefli við BATE Borisov á heimavelli í kvöld en það dugði liðinu engu að síður efsta sæti riðilsins. Real Madrid varð í öðru sæti en liðið vann 3-0 sigur á Zenit.

Enn áttu tvö lið eftir að tryggja sér þriðja sæti sinna riðla fyrir leiki kvöldsins og þar með þátttökurétt í 32-liða úrslitum UEFA-bikarkeppninnar. Dynamo Kiev og Fiorentina unnu sína leiki í kvöld og bætast þar með í þann hóp.

Úrslit og markaskorarar:

E-riðill:

Celtic - Villarreal 2-0

1-0 Shaun Maloney (14.)

2-0 Aiden McGeady (45.)

Rautt spjald: Guille Franco

Manchester United - Álaborg

1-0 Carlos Tevez (3.)

1-1 Michael Jakobsen (32.)

1-2 Jeppe Curth (45.)

2-2 Wayne Rooney (52.)

F-riðill:

Lyon - Bayern München 2-3

0-1 Miroslav Klose (11.)

0-2 Franck Ribery (34.)

0-3 Miroslav Klose (37.)

1-3 Sidney Govou (52.)

2-3 Karim Benzema (68.)

Steaua Búkarest - Fiorentina 0-1

0-1 Alberto Gilardino (66.)

G-riðill:

Dynamo Kiev - Fenerbahce 1-0

1-0 Roman Eremenko (20.)

Porto - Arsenal 2-0

1-0 Bruno Alves (39.)

2-0 Lisandro (54.)

H-riðill:

Juventus - Bate 0-0

Real Madrid - Zenit St. Pétursborg 3-0

1-0 Raul (25.)

2-0 Arjen Robben (50.)

3-0 Raul (57.)